پارلیمنٹ کو امریکہ کے اخلاق سوز منصوبوں کے خلاف اقدام کرنا ہوگا، ابتسام الہلالی

شیعیت نیوز: عراق کے پارلیمانی جماعتوں میں سے ایک کے سربراہ ابتسام الہلالی نے عراقی معاشرے میں اخلاقی فساد پھیلانے کے لیے بغداد میں امریکی سفیر کے اقدامات کا مقابلہ کرنے کے لیے ملکی پارلیمان سے فیصلہ کن اقدامات کا مطالبہ کیا ہے۔

المعلومہ نے بتایا ہے کہ عراقی پارلیمنٹ میں المنتج القومی پارٹی کے سربراہ ابتسام الہلالی نے دعوی کیا ہے کہ عراق میں امریکی سفیر اس ملک میں اخلاقی انحراف اور ہم جنس پرستی پھیلانے کی کوشش کررہے ہیں۔

انہوں نے مزید کہا کہ ہم اخلاقی انحراف اور ہم جنس پرستی کو پھیلانے کے لیے اس ملک میں امریکہ کی غیر قانونی سرگرمیوں کو روکنے کے لیے عراقی پارلیمنٹ سے بر وقت کارروائی کا مطالبہ کرتے ہیں امریکی سفیر کی مشکوک سرگرمیاں عراقی معاشرے میں ہم جنس پرستی کی حمایت کے حوالے سے خاصی تشویشناک ہیں۔

یہ بھی پڑھیں : روسی فضائیہ کے طیاروں نے شام میں دہشت گردوں کے ٹھکانوں کو نشانہ بنایا، وادیم کولت

ابتسام الہلالی نے کہا کہ ہمیں قانونی اور سفارتی ذرائع سے عراق میں ان منصوبوں کے نفاذ کے خلاف کارروائی کرنی چاہیے۔ امریکی سفیر کے اقدامات بعض مغربی ممالک کی حمایت سے اس ملک کی حکمت عملی کے نفاذ کے مطابق انجام پاتے ہیں۔

یہ پہلا موقع نہیں ہے کہ عراق میں ارکان پارلیمنٹ یا سیاسی کارکنوں نے اس ملک میں امریکی سفیر کی نقل و حرکت کے بارے میں خبردار کیا ہو۔ عراقی پاپولر موومنٹ کے رکن احمد الشمری نے پہلے اس بات پر زور دیا تھا کہ غیر ملکی قوتیں عراق میں اخلاقی انحراف پھیلانا چاہتی ہیں۔

انہوں نے مزید کہا کہ اس مذموم منصوبے کو ہم جنس پرستانہ افکار اور دیگر اخلاقی انحرافات اور ہر وہ چیز جو عراقی معاشرے میں انسانی اقدار کو نقصان پہنچاتی ہے اور اس کی سماجی ہم آہنگی کو تباہ کرنے کے مقصد سے پھیلایا جا رہا ہے۔

الشمری نے کہا کہ پاپولر موومنٹ متعلقہ عدالتوں میں صنفی تنوع جیسی شرائط کے خلاف مقدمہ دائر کرنے کا ارادہ رکھتی ہے۔ امریکہ سماجی اقدار کو مسخ کرکے اخلاقی انحراف پھیلانے کے تباہ کن منصوبوں پر تلا ہوا ہے۔

یاد رہے کہ حال ہی میں عراق میں امریکی سفیر کی اس ملک کے اداروں میں سماجی عنوانات کے تحت پرفریب اصطلاحات کی شکل میں اخلاقی فساد پھیلانے کی کوششوں نے عراق کے عوامی حلقوں کو اشتعال دلایا ہے۔