داعش دہشت گرد گروہ کا مشہور رہنما جلال اسماعیل احمد استنبول سے گرفتار

شیعیت نیوز: ترک میڈیا نے داعش کے مشہور رہنما جلال اسماعیل احمد کی استنبول میں گرفتاری کی اطلاع دی۔

اس شخص کو گرفتار کیا گیا جو عراق کا شہری تھا اور شمالی عراق میں داعش دہشت گرد گروہ کے کنٹرول کے دوران نینویٰ (موصل) میں جج کی حیثیت سے جرائم میں مصروف تھا۔ سرچ آپریشن میں داعش کے کارندوں کو اس دہشت گرد گروہ کے دیگر آٹھ ارکان کے ساتھ گرفتار کیا گیا۔

داعش دہشت گرد گروہ کے خلاف آپریشن کے دوران گرفتار ہونے والے شخص جلال اسماعیل احمد کو استنبول کے سیکورٹی ڈیپارٹمنٹ اور محکمہ انسداد دہشت گردی کے انٹیلی جنس یونٹ نے گرفتار کیا تھا۔

این ٹی وی نے یہ بھی اطلاع دی کہ داعش کا یہ رکن کئی سالوں سے استنبول میں مقیم تھا اور جس پتے پر اسے گرفتار کیا گیا تھا وہاں چھپا ہوا تھا۔

اس میڈیا نے اس عراقی نژاد دہشت گرد کے اپنے خلاف الزامات کے اعتراف کا اعلان کیا اور لکھا: 2016 میں اس نے داعش دہشت گرد تنظیم کے ضلع نینویٰ (موصل) کے جج کے طور پر کام کیا۔

یہ بھی پڑھیں : صہیونی حکومت کی جارحیت کا مقابلہ کرنے پر دمشق کا لبنانی فورسز کو خراج تحسین

دوسری جانب گزشتہ شام ترکی کے صدارتی محل نے ایک بیان میں اعلان کیا کہ رجب طیب اردگان کی صحت میں خرابی سے متعلق خبروں میں کوئی صداقت نہیں۔ ترکی کے صدر کی خرابی صحت سے متعلق جاری خبروں کی انقرہ نے تردید کر دی ہے۔

قبل ازیں ایک ترک صحافی ’’جان آتاکلی‘‘ نے اپنے ٹویٹر پیغام میں دعویٰ کیا تھا کہ مستقبل قریب میں ڈاکٹرز کی ایک ٹیم رجب طیب اردگان کی سرجری انجام دے گی۔

اس حوالے سے ترکی کے صدارتی محل میں قائم انفارمیشن ڈیسک نے بتایا کہ اشتعال انگیز غیر مصدقہ خبروں پر کان نہ دھریں۔ سوشل میڈیا پر صدر کی خرابی صحت سے متعلق گردش کرنے والی خبروں میں کوئی صداقت نہیں۔

واضح رہے کہ رجب طیب اردگان کو ہارٹ اٹیک سے متعلق بعض عالمی میڈیا میں چلنے والی خبروں پر ترکی کی حکومت نے برہمی کا اظہار کیا ہے۔

یاد رہے کہ تقریباََ ایک ماہ قبل ترکی کے صدر کو بیماری کی وجہ سے لائیو انٹرویو کے دوران کچھ منٹ کے لئے بریک لینا پڑی تھی۔