سوریہ اور روسی فوج کے مشترکہ آپریشن میں 20 دہشت گرد ہلاک
شیعیت نیوز: روس اور شام کے مصالحتی مرکز کے نائب کے مطابق، جنوبی شام میں، سوریہ اور روسی افواج نے ایک مشترکہ آپریشن کر کے 20 دہشت گردوں کو ہلاک کر دیا ہے۔
ٹاس کی رپورٹ کے مطابق روس-شام مصالحتی مرکز کے نائب ایڈمرل اولیگ گورینوف نے کہا ہے کہ شامی فوجی دستوں نے روسی افواج کے تعاون سے ایک خصوصی آپریشن کے دوران، 20 مسلح ملیشیا کو ہلاک جبکہ غیر قانونی اور مسلح دہشت گرد گروہوں کے 30 ٹھکانوں کو تباہ کر دیا۔
یہ بھی پڑھیں : فلسطین پرغاصبانہ قبضے کے خاتمے تک جدوجہد جاری رہے گی، طارق سلمی
رپورٹ کے مطابق، یہ آپریشن شامی فوجیوں نے ایک روسی گروپ کے تعاون سے شام کے وسطی اور جنوبی صوبوں میں دہشت گرد گروہوں کے تعاقب میں کیا تھا۔
سوریہ کے صوبۂ حمص میں کی گئیں دہشت گردوں کے خلاف ان کارروائیوں کے دوران، کم از کم 20 دہشت گرد، 9 ہتھیاروں اور گولہ بارود کے گوداموں اور غیر قانونی مسلح دہشت گرد گروہوں کے 30 ٹھکانوں کی نشاندہی کر کے انہیں تباہ کر دیا گیا ہے۔
یہ بھی پڑھیں : حکمرانوں نے حکومتی مشینری سے عوامی خدمت کی بجائے، سیاسی حریفوں کی زندگیوں کو اجیرن بنا رکھا ہے،علامہ راجہ ناصرعباس
یاد رہے کہ اس سے قبل، شام کے وزیر دفاع علی محمود عباس نے اعلان کیا تھا کہ شام دوست ممالک کی حمایت سے دہشت گردوں کو پسپا کرنے اور شام کے استحکام کیلئے آپریشن جاری رکھے ہوئے ہے۔
