یوکرین کی جنگ کو اس کے انجام تک پہنچائیں گے، دیمیتری پیسکوف

شیعیت نیوز: روسی صدر کے ترجمان دیمیتری پیسکوف کا کہنا ہے کہ یوکرین کو دور مار میزائلوں کی فراہمی سے کشیدگی میں اضافے کا امکان ہے۔

روسی صدر کے ترجمان دیمیتری پیسکوف نے اس بات پر زور دیا ہے کہ روس کو جنگ یوکرین کو اس کے انجام تک پہنچانا چاہیے، ان کا کہنا تھا کہ مغربی ملکوں نے برسوں تک کہ جب روس کی کارروائیاں انجام نہیں پائی تھیں، روس کے سرحدی صوبے بلگورود اور دونباس پر گولہ باری کو نظرانداز کیا تھا۔

یہ بھی پڑھیں : چین نے ایران کے ساتھ خلیج فارس کے بعض ممالک کی بحری فوج کی تشکیل کی حمایت کی

انھوں نے مغرب کی جانب سے یوکرین کو جدید ہتھیاروں کی فراہمی کی طرف اشارہ کرتے ہوئے کہا کہ یوکرین کو دور مار میزائلوں کی فراہمی سے کشیدگی میں اضافے کا امکان ہے۔

روسی صدر کے ترجمان دیمیتری پیسکوف کا کہنا تھا کہ اس طرح کے اقدامات روس کو اس بات پر مجبور کر دیں گے کہ وہ زیادہ توجہ اور زیادہ مضبوطی کے ساتھ یوکرین کے خلاف اپنی فوجی کارروائیاں انجام دے اور انھیں جاری رکھے۔

جرمن میڈیا نے بھی گذشتہ ہفتے باوثوق ذرائع کے حوالے سے کہا تھا کہ یوکرین نے جرمنی سے درخواست کی ہے کہ وہ اسے پانچ سو کلومیٹر سے زیادہ فاصلے تک مار کرنے والے تاروس میزائل فراہم کرے۔

یہ بھی پڑھیں : لیہ، امام مہدی (عج) کی شان اقدس میں گستاخی کیخلاف سینکڑوں افراد کا احتجاجی ماتمی جلوس

دوسری جانب انڈونیشیا کے وزیر دفاع پرابووو سوبیانتو (Prabowo Subianto) نے سنگاپور میں ہونے والے شنگریلا اجلاس میں پوری دنیا کے فوجی اور دفاعی حکام سے درخواست کی ہے کہ وہ ایک بیان جاری کر کے روس اور یوکرین کے درمیان جنگ کو روکنے کا مطالبہ کریں۔

یوکرین کی وزارت خارجہ کے ترجمان اولگ نیکولنکو نے انڈونیشیا کے اس مطالبے کو مسترد کر دیا ہے۔