SPS اساتذہ کیلئے خوش خبری، ایم ڈبلیوایم کے ممبر گلگت بلتستان اسمبلی شیخ اکبر رجائی کی کوشش رنگ لے آئی
اس موقع پر شیخ اکبر علی رجائی نے کہا کہ ہماری کوشش ہوگی کہ میرٹ کے تحت متعین ہونے والے ان ملازمین کو محکمے اور قوانین کے ضابطے کے تحت ریگولر کروایا جائے۔
شیعیت نیوز: پارلیمانی سیکریٹری برائے لوکل گورنمنٹ و ضلعی صدر مجلس وحدت مسلمین شیخ اکبر علی رجائی کی جانب سے محکمہ تعلیم کے اسپیشل پےاسکیل (ایس پی ایس) کنٹریکٹ ملازمین کی مدت ملازمت میں بغیر کسی گیپ کے 40 ہزار روپے ماہانہ تنخواہ کے ساتھ توسیع کی قرار داد گلگت بلتستان اسمبلی میں پیش کی گئی ، ممبران اسمبلی نے اس قرارداد کو متفقہ طور پر منظور کرلیا۔
یہ بھی پڑھیں: چیئرمین ایم ڈبلیوایم علامہ راجہ ناصرعباس جعفری سے نائب امیرجماعت اسلامی لیاقت بلوچ کی ملاقات
واضح رہے کہ ایس پی ایس ملازمین ٹیسٹ انٹرویو کے بعد ایک سال کے کنٹریکٹ پر متعین ہوگئے تھے اور دورانیہ ختم ہوچکا تھا۔ ان ملازمین کو 20 ہزار روپے فکس تنخواہ ملتی تھی۔ رکن مجلس وحدت مسلمین کی کوششوں سے اب 40 ہزار روپے ماہانہ تنخواہ کیساتھ مزید ایک سال کیلئے کام جاری رکھیں گے۔
اس موقع پر شیخ اکبر علی رجائی نے کہا کہ ہماری کوشش ہوگی کہ میرٹ کے تحت متعین ہونے والے ان ملازمین کو محکمے اور قوانین کے ضابطے کے تحت ریگولر کروایا جائے۔
