القسام بریگیڈ نے آپریشنز کا نیا اعداد و شمار جاری کر دیا

شیعیت نیوز: فلسطین کی القسام بریگیڈ نے 2014 کی لڑائیوں کے بارے میں انکشاف کیا ہے کہ ایک کارروائی میں 4 صہیونی فوجیوں کی ہلاکت ہوئی۔

القسام بریگیڈ کے میڈیا ڈیپارٹمنٹ نے 2014 میں ’’ابو مطیبق‘‘ آپریشن کی تفصیلات بیان کیں جس میں چار صیہونی فوجی مارے گئے تھے۔

عزالدین القسام بریگیڈ کے میڈیا ڈیپارٹمنٹ نے "ابو مطیبق” آپریشن کی نئی تفصیلات کا انکشاف کیا ہے جو اس فلسطینی تنظیم کے مجاہدین نے ’’العصف الماکول‘‘ یعنی ’’چبائے ہوئے بھوسے‘‘ نامی آپریشن میں انجام دیا تھا۔

فلسطینی تنظیموں نے 2014 میں چبائے ہوئے بھوسے نامی آپریشن شروع کیا تھا۔

یہ بھی پڑھیں : حماس کے وفد نے عمرہ کی سعادت حاصل کر لی

المیادین چینل کی ویب سائٹ کی رپورٹ کے مطابق القسام بریگیڈ کے میڈیا ڈیپارٹمنٹ کی جانب سے شائع کی گئی نئی تصاویر میں صیہونی بستی کی طرف جانے والی سڑک کے 700 میٹر تک صیہونی فوجیوں کو لے جانے والی جیپ کے خلاف گھات لگا کر خصوصی آپریشن کو دکھایا گیا ہے۔ سدیروت میں صیہونی بستوں کے رہائیشوں کے خلاف ہونے والی کارروائی میں 4 صیہونی فوجی ہلاک ہوئے۔

اس رپورٹ کے مطابق 2014 میں العصف المکول کے آپریشن کے دوران، القسام بریگیڈ کے ملٹری انٹیلی جنس ڈیپارٹمنٹ نے مقبوضہ علاقوں کی مشرقی سرنگوں میں سے ایک کی مٹی ٹیلے کا سراغ لگایا اور فوری طور پر اس بارے میں رہنماؤں کو آگاہ کیا۔

القسام بریگیڈ نے اس آپریشن کے بارے میں اطلاع دیتےہوئے بتایا کہ 18 جولائی 2014 کو صبح کے وقت مجاہدین اس سرنگ کا دروازہ کھولنے اور صیہونیوں کے دلوں میں خوف پھیلانے میں کامیاب رہے۔ فوجی دستے اپنا جہادی فرض نبھانے کے لیے تیار تھے اور وہ صیہونی حکومت کے فوجیوں کو نشانہ بنانے کے لیے گھنٹوں اور دن لگاتار کام کرتے رہے۔

اسلامی مزاحمتی تحریک حماس کی عسکری شاخ شہید عزالدین القسام بریگیڈ نے اس سے قبل بتایا تھا کہ وہ 2014 میں غاصبوں کے ساتھ جنگ ​​کے دوران صیہونیوں کے خلاف لڑائی میں منفرد مہمات اور نتائج پیدا کرنے میں کامیاب رہی ہے۔