فرانس کی ایوان نمائندگان تحلیل کردوں گا، میکرون کی دھمکی
شیعیت نیوز: فرانس کے صدر میکرون نے دھمکی دی ہے کہ پینشن اصلاحات کے بل کی منظوری نہیں دی گئی تو وہ ایوان نمائندگان کی تحلیل کا حکم جاری کر دیں گے۔
فرانسیسی ٹی وی، بی ایف ایم چینل کے مطابق فرانسیسی صدر امانوئل میکرون نے بدھ کی رات وزیراعظم اور پینشن اصلاحات بل سے متعلق کوشش کرنے والے وزیروں سے گفتگو کرتے ہوئے کہا ہے کہ ایوان نمائندگان کی جانب سے اگر اس متنازعہ بل پر ووٹنگ نہیں کرائی گئی تو وہ ایوان کی تحلیل کا فرمان جاری کردیں گے۔
یہ بھی پڑھیں : ایرانی پارلیمنٹ کے اسپیکر کو دورہ متحدہ عرب امارات کی باضابطہ دعوت
اس بل میں شامل سب سے اہم نکتہ ریٹائرمنٹ کے لئے عمر کو باسٹھ سال سے بڑھاکر چونسٹھ برس کئے جانے کا مسئلہ ہے جس پر شدید احتجاج کا سلسلہ جاری ہے۔
فرانسیسی یونینوں نے اتفاق آرا سے ان تمام اصلاحات پر اپنی مخالفت کا اظہار کیا ہے اور ان یونینوں کی جانب سے اب تک بارہا احتجاجی مظاہرے بھی کئے جا چکے ہیں۔
لیبر یونین اور مختلف محکموں کے ملازمین نے گذشتہ چند ہفتوں کے دوران پینشن اصلاحات کے اس بل کے خلاف کئی بار مظاہرے اور ہڑتالیں کی ہیں۔
یہ بھی پڑھیں : ہنگو سے تعلق رکھنے والے زوالکرم ولد سرفراز کا پشاور میں بے دردی سے قتل انتہائی افسوسناک ہے، شبیر حسین ساجدی
رائیٹرز کی رپورٹ کے مطابق احتجاجی مظاہرین امانوئل حکومت کے اس متنازعہ بل اور خاصطور سے ریٹائرمنٹ کی عمر باسٹھ سال سے بڑھا کر چونسٹھ سال کئے جانے کی مخالفت میں ہفتے کو بھی لوگ سڑکوں پر نکلے اور دارالحکومت پیرس سمیت مختلف بڑے شہروں میں احتجاج کیا۔
فرانس کی موجودہ صورت حال اس متنازعہ بل کی بنا پر میکرون حکومت کے لئے ایک چیلنج بنی ہوئی ہے اور یہ صورت حال حکومت کے زوال کا باعث بھی بن سکتی ہے۔
