مغربی دوغلا پن اور دوہری امتیازی پالیسیاں 6 صدیوں سے موجود ہے، بشار الاسد

شیعیت نیوز: شام کے صدر بشار الاسد نے زلزلہ زدہ علاقوں کے دورے کے دوران کہا کہ آج کا مغربی دوغلا پن اور دوہری امتیازی پالیسیاں کوئی نیا مسئلہ نہیں بلکہ ایک واضح بات ہے جو 6 صدیوں سے موجود ہے۔

رپورٹ کے مطابق ترکی اور شام میں زلزلہ زدگان کے حوالے سے مغربی ملکوں کی دوہری امتیازی پالیسیاں سے متعلق ان خیالات کا اظہار انہوں نے اپنی اہلیہ کے ہمراہ لاذقیہ میں ایک اسپتال کے دورے کے دوران کیا۔

شامی صدر بشار الاسد سے جب ایک صحافی نے پوچھا کہ شامی عوام کے لیے آپ کا کیا پیغام ہے؟ تو انہوں نے کہا کہ ایک ملک کا سربراہ اپنے عوام کو پیغام نہیں دیتا بلکہ ان سے پیغام لیتا ہے تا کہ اپنے فرائض پر عمل کرسکے۔ یقیناً موجودہ حساس او مشکل حالات میں ہمارا فریضہ خلوص اور صداقت کے ساتھ کام کرنا ہے۔

شامی صدر بشار الاسدنے مشکل وقت میں شامی عوام کی مدد پر روسی حکومت کا بھی شکریہ ادا کیا۔

در ایں اثنا صدر بشار الاسد نے لاذقیہ کے دورے علاوہ حلب بھی جا کر امدادی کاموں کو نزدیک دے دیکھا اور ریسکیو اور ریلیف سائٹس کا دورہ کیا۔

یہ بھی پڑھیں : شام اور ترکی میں تباہ کن زلزلے میں جاں بحق ہونے والوں کی تعداد 24 ہزار سے تجاوز کرگئی

دوسری جانب شام میں زلزلے سے متاثر ہونے والے افراد کے حالات اس قدر مخدوش ہیں کہ اقوام متحدہ نے اس صورت حال کو تباہ کن قرار دیا ہے۔ اسٹیفن دوجارک نے دعویٰ کیا کہ پابندیاں شام میں ضرورت مندوں تک امداد بھیجنے سے نہیں روک سکتیں۔

انہوں نے شامی عوام کو پہنچنے والے نقصانات کے سامنے مغربی ممالک کی خاموشی کا ذکر کیے بغیر کہا کہ ہم جو کچھ نہیں دیکھنا چاہتے وہ شام کے لیے درکار امداد کی سیاست کرنا ہے۔ شام میں انسانی ضروریات بہت زیادہ ہیں اور ہماری توجہ زیادہ سے زیادہ امداد فراہم کرنے پر ہے۔

اقوام متحدہ کے پناہ گزینوں کے ادارے نے کل (جمعہ) کو بھی اندازہ لگایا تھا کہ شام میں زلزلے سے 5.3 ملین افراد بے گھر اور بے گھر ہوئے ہیں، یہ اعدادوشمار ان سرد دنوں میں بہت اہم ہے۔