حزب اللہ کی جنین کیمپ میں صیہونی حکومت کی طرف سے کیے جانے والے جرم کی شدید مذمت

شیعیت نیوز: حزب اللہ لبنان نے فلسطینی جنین کیمپ پر صیہونیوں کے وحشیانہ حملوں کی مذمت کی اور وہاں کے باشندوں کی بہادرانہ مزاحمت کی تعریف کی۔

حزب اللہ لبنان نے ایک بیان جاری کرکے تاکید کی ہے کہ وہ صیہونی حکومت کے فوجیوں کے دہشت گردانہ اقدامات اور اسپتالوں پر حملوں اور زخمیوں پر وحشیانہ حملوں کی شدید مذمت کرتا ہے جو کہ تمام اخلاقی اور انسانی قوانین کے خلاف ہیں۔

اس بیان میں کہا گیا ہے کہ حزب اللہ جنین کیمپ کے تمام بہادر جنگجوؤں اور صیہونی حکومت اور اس کے جرائم کا مقابلہ کرنے والے دیگر فلسطینی جنگجوؤں کے ساتھ یکجہتی کا اعلان کرتی ہے۔

یہ بھی پڑھیں : سویڈن میں قرآن پاک کو جلانا مسلمانوں کے خلاف بہت بڑا اشتعال ہے، سید عبدالملک الحوثی

دوسری جانب خبری ذرائع نے موساد کے ایک جاسوس کو گرفتار کرنے کی خبر دی ہے۔

لبنان کے روزنامہ الاخبار نے اس اسرائیلی جاسوس کی شناخت کے حوالے سے رپورٹ دی ہے ’’حسن.ع‘‘ نے 15 ہزار ڈالر کے عوض موساد کو اپنے ساتھ کام کرنے والے ساتھیوں کی معلومات فراہم کی ہے۔ اس رپورٹ کے مطابق اس جاسوس نے استقامتی محاذ کے حوالے سے بھی صیہونی حکومت کے جاسوس نیٹ ورک کو معلومات فراہم کی۔

الاخبار کے مطابق موساد کے ساتھ اس لبنانی آلۂ کار جاسوس کا رابطہ 2020 میں واٹس اپ کے ذریعے ہوا تاہم جولائی 2022 میں لبنان کی سکیورٹی فورسز نے اسے گرفتار کر لیا۔

لبنان کے سکیورٹی ذرائع نے تقریبا 2 ماہ قبل کہا تھا کہ گزشتہ 3 سال کے دوران جب سے لبنان کی اقتصادی صورت حال خراب ہوئی ہے اسرائیل کے ساتھ جاسوسی کے الزام میں 185 افراد کو گرفتار کیا جا چکا ہے۔

واضح رہے کہ غاصب صیہونی ٹولے نے اپنا جاسوسی کا نیٹ ورک پوری دنیا میں پھیلایا ہوا ہے اور اس طریقے سے وہ اپنے مذموم عزائم کی تکمیل کا کام انجام دینے کی کوشش کر رہا ہے۔