عراق کے سیاسی میدان میں صدر تحریک کے سربراہ مقتدی الصدر کی واپسی

شیعیت نیوز: امریکی خبر رساں سائٹ المانیٹر نے اپنی ایک رپورٹ میں دعویٰ کیا ہے کہ عراق کے سیاسی میدان میں صدر تحریک کے سربراہ مقتدی الصدر کی واپسی قریب ہے، وہ تنہائی کے اس دور کو ختم کریں گے جو انہوں نے مہینوں پہلے اپنے ارکان پارلیمنٹ کے پارلیمنٹ چھوڑنے کے بعد شروع کیا تھا۔
بغدادالیوم نیوز سائٹ کی رپورٹ میں کہا گیا ہے کہ نماز جمعہ کے دوران انہوں نے جو پیغام جاری کیا، اس سے لگتا ہے، مقتدیٰ الصدر سیاسی میدان میں واپس آنے اور ایک وقفے کے بعد اپنی سیاسی سرگرمیاں دوبارہ شروع کرنے کی کوشش کر رہے ہیں۔ یہ کوآرڈینیشن فریم ورک کی سرگرمیوں کے بارے میں ان کی تشویش کی وجہ سے ہے۔
اس مسئلے کی وضاحت کرتے ہوئے، المانیٹر لکھتا ہے کہ ’’مقتدیٰ صدر کی سیاسی عمل میں واپسی کی تحریک ان کے حریف، نوری المالکی کی قیادت میں حزب الدعوۃ (اسٹیٹ آف لاء کولیشن) کے اندر پھوٹ پڑنے کی خبروں کے ساتھ ہے۔‘‘
واضح رہے کہ اس تجزیے کو امریکی نیوز بیس نے شائع کیا ہے، جب کہ الصدر تحریک اور مقتدیٰ الصدر نے باضابطہ طور پر کسی فیصلے یا موقف کا اعلان نہیں کیا ہے۔
یہ بھی پڑھیں : خلیج فارس میں کسی بھی فوجی سرگرمی کے خلاف سابق قطری وزیر اعظم کا انتباہ
دوسری جانب بغداد ہوائی اڈے کی انتظامیہ نے اعلان کیا ہے کہ خراب موسم اور حد نگاہ میں کمی کے باعث پروازوں کو معطل کردیا گیا ہے
عراق کی خبررساں ایجنسی نے خبردی ہے کہ بغداد کے بین الاقوامی ہوائی اڈے کی انتظامیہ نے پیر کی صبح ایک بیان جاری کرکے کہا ہے کہ خراب موسم اور حدنگاہ میں کمی کے باعث پروازوں کی آمد و رفت وقتی طور پر معطل کردی گئی ہیں۔
بیان میں کہا گیا ہے کہ سبھی مسافروں اور ہوائی کمپنیوں کو اطلاع دی جاتی ہے کہ اس ہوائی اڈے پر سبھی پروازیں معطل کردی گئی ہیں۔
بغداد ہوائی اڈے کی انتظامیہ کے بیان میں کہا گیا ہے کہ تا اطلاع ثانوی سبھی پروازیں معطل کی جارہی ہیں۔
چند روز قبل بھی موسم کی خرابی کی وجہ سے نجف اشرف اور بغداد کے ہوائی اڈوں کی پروازوں کو وقتی طور پر معطل کردیا گیا تھا۔