لبنان پر جارح اسرائیلی ڈرون کی جارحیت، ملا منہ توڑ جواب

شیعیت نیوز: لبنانی فوج نے صیہونی دشمن کے جارح اسرائیلی ڈرون طیارے پر فائرنگ کی۔

لبنانی فوج کی طرف سے اسرائیلی ڈرون کو نشانہ بنانے کے بارے میں متضاد رپورٹس کی اشاعت کے چند لمحوں بعد، ایک لبنانی میڈیا آؤٹ لیٹ نے ملک کے سرکاری ذرائع کے حوالے سے اس رپورٹ کی تائید کر دی۔

چینل نے رپورٹ کیا کہ لبنانی فوج نے جارح اسرائیلی ڈرون پر گولی چلائی جس نے لبنانی فضائی حدود کی خلاف ورزی کی جب کہ دشمن کی پیدل فوج نے حولا قصبے کی سرحدوں پر واقع العباد سائٹ کے شمال میں تکنیکی باڑ کو عبور کیا۔

لبنانی صحافیوں کی جانب سے اس خبر کے چند گھنٹے بعد کہ ملکی فوج نے صیہونی حکومت کے جارح ڈرون کو نشانہ بنایا، بیروت کے سرکاری ذرائع نے جمعہ کو النھار اخبار کے ساتھ گفتگو میں اس رپورٹ کی تائید کر دی۔

یہ بھی پڑھیں : مسجد اقصیٰ میں ہزاروں فلسطینیوں کی موجودگی اور فلسطینیوں کے اتحاد پر اسلامی جہاد کی تاکید

جمعے کے روز دوپہر کے وقت لبنان کے بعض صحافیوں نے اپنے ٹویٹر پیج پر اطلاع دی تھی کہ لبنانی فوج نے صیہونی حکومت کے جارح ڈرون کے ذریعے ملک کے اقتدار اعلی کی خلاف ورزی کا مقابلہ کیا اور اس پر فائرنگ کی۔

چند گھنٹے بعد لبنان کے اخبار النہار نے ملک کے سرکاری ذرائع کا حوالہ دیتے ہوئے تائید کی کہ ملکی فوج نے صیہونی حکومت کے ڈرون کو نشانہ بنایا۔

ساتھ ہی اس لبنانی اخبار نے بتایا کہ اس رپورٹ کی اشاعت تک مقبوضہ علاقوں کے سرکاری ذرائع اور ذرائع ابلاغ نے اس کارروائی پر کوئی رد عمل ظاہر نہیں کیا ہے۔

قابض اسرائیلی فوج کے کمانڈر ایویو کوچاوی نے کہا ہے کہ ’’اسرائیل‘‘ لبنان کو 50 سال پیچھے لوٹانے کے لیے تیار ہے۔اگر وہ لبنانی حزب اللہ کے ساتھ جنگ میں داخل ہوتا ہے تو لبنان پچاس سال پیچھے چلا جائے گا۔

ان کا کہنا تھا کہ یہ مسلح تنظیم کو نشانہ بنانے کے لیے کافی نہیں ہوگا۔ اسرائیل نے لبنان پرحملہ کیا تو لبنان کے تمام انفراسٹرکچر کو تباہ کرےگا۔