عراق

2022 کے دوران عراق میں 311 داعشی ہلاک ہوئے، عراقی جوائنٹ آپریشنز کمانڈ

شیعیت نیوز: عراقی فوج کی جوائنٹ آپریشنز کمانڈ نے اتوار کے روز ایک بیان جاری کرتے ہوئے ملک کے مختلف علاقوں میں 2022 میں ہلاک ہونے والے داعشی جنگجووں کی تعداد کا اعلان کیا۔عراقی فوج کی جوائنٹ آپریشنز کمانڈ کے ترجمان تحسین الخفاجی نے کہا کہ 2022 میں عراقی مسلح افواج نے دہشت گرد تنظیم داعش کے کل 311 جنگجووں کو ہلاک کیا۔

انہوں نے گزشتہ سال دہشت گردی کے خلاف جنگ میں عراق کی اہم کامیابیوں کا ذکر کرتے ہوئے مزید کہا کہ عراقی فضائیہ کے آپریشنز میں 213 داعشی عناصر اور دیگر آپریشنز میں 98 افراد ہلاک ہوئے۔

یہ بھی پڑھیں : حاج قاسم ولایت فقیہ کے سپاہی تھے،اپنےمقبرے پر’’سرباز ولایت‘‘لکھنے کی وصیت کی، نصر اللہ

جوائنٹ آپریشنز کمانڈ کے ترجمان تحسین الخفاجی نے کہا کہ ان کارروائیوں میں مرنے والے زیادہ تر افراد داعش کے اہم کمانڈر تھے اور ان کی موت سے اس دہشت گرد تنظیم کو شدید دھچکا لگا اور ان کی قیادت اور کمانڈ کا ڈھانچہ تباہ ہو گیا۔

عراقی فوج کے جوائنٹ آپریشنز کمانڈ کے ترجمان تحسین الخفاجی نے تاکید کی کہ 2022 میں عراقی مسلح افواج عراق اور شام کی مشترکہ سرحدوں پر مکمل سیکورٹی کنٹرول حاصل کرنے اور ملک کی سرحدوں میں دراندازی کی کارروائیوں کو روکنے میں کامیاب ہوئیں جبکہ اس امر نے دہشت گردوں کو مدد فراہم کرنے حوالے سے سنگین مشکلات کھڑی کردی ہیں۔

تحسین الخفاجی نے آخر میں امید ظاہر کی کہ ٹریننگ کورسز میں اضافے اور عراقی فوج کو مسلح اور جدید ہتھیاروں سے لیس کرنے کے عمل سے 2023 میں ملک کے مختلف حصوں میں سیکورٹی کے خلا کو مکمل طور پر دور کر لیا جائے گا۔

متعلقہ مضامین

Back to top button