ہفتہ دفاع مقدس کے کارناموں کو فراموش نہیں ہونے دیں گے، جنرل باقری

شیعیت نیوز: جنرل باقری نے ہفتہ دفاع مقدس کے موقع پر کہا ہے کہ اس بات کی اجازت نہیں دی جائے گی کہ دفاع مقدس کے یادگار کارنامے فراموش کردیئے جائیں۔

اسلامی جمہوریہ ایران کی مسلح افواج کے سربراہ جنرل باقری نے ہفتہ دفاع مقدس کے موقع پر رہبرانقلاب اسلامی سے سابق فوجی کمانڈروں اور دفاع مقدس کے جانبازوں کی ملاقات کے دوران کہا کہ دفاع مقدس نے ایرانی عوام کی شناخت ، سلامتی اور عزت اور شرف کی ضمانت فراہم کی تھی اور دفاع مقدس نے اسلامی انقلاب کی اعلی قدروں کو غیر متزلزل بنا دیا تھا ۔

انہوں نے کہا کہ ایران پر مسلط کی گئی جنک خداوندعالم کے لطف و کرم ، امام خمینی رح کی رہبری اور شہدا کے خون سے ایران کی ترقی و پیشرفت کے عظیم سرمایے میں تبدیل ہوگئی ۔

واضح رہے کہ کل بروز جمعرات سے ایران میں ہفتہ دفاع مقدس کا آغاز ہورہا ہے ۔

یہ بھی پڑھیں : ایک منصفانہ عدالت کے ساتھ سابق امریکی صدر کے جرائم آگے بڑھيں گے، صدر ایران رئیسی

دوسری جانب ایران کے سینئر کمانڈر کا کہنا ہے کہ جہاں بھی ہم موجود ہیں وہاں امن برقرار ہے۔

فارس نیوز ایجنسی کی رپورٹ کے مطابق سپاہ پاسداران انقلاب اسلامی کے سینئر کمانڈر جنرل علی فدوی کا کہنا تھا کہ مقدس ہفتہ دفاع کے دوران پہلی بار دو عالمی طاقتوں نے اتحاد کی اور ہمارے مقابلے کھڑی ہو گئيں لیکن اسلامی انقلاب کی طاقت کی وجہ سے وہ دفاعی پوزیشن میں آ گئیں۔

انہوں نے کہا کہ گزشتہ 43 سال کے دوران امریکا، اسلامی انقلاب کے مقابلے میں ایک بھی کامیابی حاصل نہیں کر سکا جبکہ دفاع مقدس کے بعد جد جہد ختم نہیں ہوئی اور دوسرے تناظر اور پیرائے میں جاری رہی۔

جنرل علی فدوی کا کہنا تھا کہ مغربی ایشیا میں امریکا کی ساری سرگرمیاں صرف اس لئے تھیں کہ ہم تک اس کی رسائی رہے۔ ان کا کہنا تھا کہ امریکا کا مقصد، اسلامی انقلاب کے مقابلے میں کامیابی حاصل کرنا تھا لیکن اسے ایک بھی کامیابی ہاتھ نہیں لگی۔

جنرل علی فدوی کا کہنا تھا کہ جہاں پر بھی انقلاب اسلامی کی تھوڑی سی روح پھونکی گئی وہ جگہ تبدیل ہوگئی، اس کا واضح نمونہ اور مثال یمن ہے۔

ان کا کہنا تھا کہ یمن نے اپنے میزائلوں اور ڈرون طیاروں کے بارے میں جو نمائش کا انعقاد کیا اگر سارے عرب ممالک جمع ہو جائیں تب بھی اس طرح کی نمائش کا انعقاد نہیں کر سکتے۔

ان کا کہنا تھا کہ جن لوگوں نے جنگ یمن کا آغاز کیا تھا آج وہ درخواست کر رہے ہیں کہ ہمیں بحران سے نجات دلا دیں۔