حزب اللہ کے انتباہ سے خوفزدہ اسرائیلی فوج نے مشقیں شروع کردیں
شیعیت نیوز: حزب اللہ کے تازہ انتباہ سے خوفزدہ صیہونی حکومت نے مقبوضہ فلسطین میں فوجی مشقیں شروع کردی ہیں۔
رشیا ٹوڈے کے مطابق، غاصب صیہونی حکومت کے فوجی ترجمان نے بتایا ہے کہ یہ مشقین خلیج حیفا میں ہو رہی ہیں جس کے دوران ریپڈ ایکشن فورس کی نقل و حرکت کے ساتھ اور خطرے کے سائرن بجائے جا رہے ہیں۔
یہ بھی پڑھیں : عزاداروں کی مرضی ہے کہ وہ چہلم میں شرکت کے لیے گاڑیوں پر سفر کریں یا پیدل چل کر جائیں، علامہ راجہ ناصرعباس
کہا جا رہا ہے کہ لبنان سے ملنے والی مقبوضہ فلسطین کی بحری سرحدوں کے قریب شروع ہونے والی یہ مشقیں رات دیر گئے تک جاری رہیں گی۔
حزب اللہ کے ڈپٹی سیکریٹری جنرل نے گزشتہ دنوں ایک بیان میں واضح کیا تھا کہ لبنان کی سمندری حدود میں واقع تیل و گیس کے ذخائر کے بارے میں ہمارے موقف میں کوئی تبدیلی نہیں آئے گی۔
یہ بھی پڑھیں : ڈی پی او لودھراں پولیس کے نہیں بلکہ کالعدم تکفیری دہشتگرد گروہ کا حصہ ہیں، علامہ سبطین سبزواری
واضح رہے کہ لبنان کی بحری سرحدوں کے تعین کے لیے اقوام متحدہ کی وساطت سے اسرائیل کے ساتھ مذاکرات کے کئی دور انجام پا چکے ہیں تاہم ان کا کوئی نتیجہ برآمد نہیں ہوا ہے۔
کئی بار حزب اللہ کے انتباہ کرچکی ہے کہ اگراسرئیل نے لبنان کی سمندری حدود میں مداخلت اور اس کے تیل وگیس کے ذخائرپر دست دارزی کی کوشش کی تو اس کا منہ توڑ جواب دیا جائے گا۔
