ایرانی فوج کی ڈرون مشق کے پہلے دن میں فضائی، بری اور بحری سرحدوں کی شناخت

شیعیت نیوز: ایران کی 1401 مشترکہ فوجی ڈرون مشق کے پہلے دن میں مشق اور بین الاقوامی پانیوں کی حدود کی نشاندہی کی گئی اور ان کا جائزہ لیا گیا۔

ارنا رپورٹ کے مطابق، ایرانی فوج کی 1401 کی مشترکہ فوجی ڈرون مشق کے پہلے دن میں فوج کی چاروں افواج سے نگرانی اور جاسوسی ڈرونز نے ملک کی سرحدوں کی نشاندہی کے عمل اور عام مشق کے علاقے کی حدود میں پہلے سے طے شدہ اہداف کو کامیابی سے سرانجام دے دیا۔

ایرانی فوج کی مشترکہ ڈرون فوج کے ترجمان ایڈمیرل "سید محمود موسوی” نے اس حوالے سے گفتگو کرتے ہوئے کہا کہ مشق کے اس حصے میں "یسیر”، "صادق”، "پلیکان”، "ابابیل 3″،” یزدان” اور "مہاجر6” کے ڈرونز نے ایران کے کی فوج کے مختلف علاقوں کے ڈرونز اڈے سے اڑکے اہداف کی شناخت کے ساتھ ساتھ سرحدوں اور بین الاقوامی پانیوں میں ہدف والے علاقوں کی نگرانی کے لیے کارروائی کی۔

یہ بھی پڑھیں : مسلح افواج کی جنگی صلاحیت کی ترقی میں ڈرون کی خاص پوزیشن ہے، ایڈمیرل سیاری

انہوں نے مزید کہا کہ فوج کی ڈرون طاقت میں اضافے اور مختلف اور متعدد ڈرونز آپریشنز اور ان کی پروازوں کی ہم آہنگی کے پیش نظر، فوج کے ڈرون آپریشنز کا کمانڈ اینڈ کنٹرول نیٹ ورک قائم کر دیا گیا ہے۔

ایرانی فوج کی مشترکہ ڈرون فوج کے ترجمان نے نے ڈرون سمیت جدید ٹیکنالوجی کو استعمال کرتے ہوئے زیر کنٹرول سرحدوں پر فوج کے انٹیلی جنس اشرافیہ کا ذکر کرتے ہوئے کہا اس مشق میں اسلامی جمہوریہ ایران کی فوج کی ڈرون کامیابیوں کا صرف ایک چھوٹا سا حصہ استعمال کیا جائے گا۔

ایڈمیرل موسوی نے کہا کہ اسلامی جمہوریہ ایران کی فوح کی جنگی تیاری کے تحفظ اور اس کا فروغ ناگزیر ہے اور اور یہ تیاری ماحول اور تربیتی میدان میں سائنسی علم کو عملی جامہ پہنانے کے لیے سال بھر کی مختلف مشقوں سے حاصل ہوجاتی ہے۔