یہودی آباد کاروں کا قبلہ اول پر دھاوا، فجر عظیم مہم جاری

شیعیت نیوز: کل جمعرات کے روز اسرائیلی فوج کی فول پروف سکیورٹی میں قبلہ اول پر دھاوا بولا اور مقدس مقام کی بے حرمتی کی۔ دوسری جانب بیت المقدس میں مسجد اقصیٰ میں نماز فجر کی ادائیگی کے لیے فجر عظیم مہم جاری ہے۔

جمعرات کی صبح آبادکاروں کے گروپ نے قابض پولیس کی حفاظت میں بابرکت مسجد الاقصیٰ پردھاوا بولنا شروع کر دیا۔

یہ بھی پڑھیں : خداخیر کرے!پاکستان میں ایک اور نئی تکفیری دہشت گردتنظیم کے قیام کا انکشاف

جمعرات کو مسجداقصیٰ میں مرابطین کے ایک گروپ نے مسجد کے صحنوں میں نمازِ ظہر ادا کی۔ اس دوران یہودی آباد کاروں کے ایک گروپ نے قابض پولیس کی سکیورٹی میں قبلہ اول میں داخل ہونے کی کوشش کی۔

دوسری جانب یہودی آباد کار اسرائیلی فوج کی ریاستی سرپرستی میں مسجد اقصیٰ کی زمانی اور مکانی تقسیم کی سازش کررہے ہیں۔

آبادکار گروپوں نے مسجد اقصیٰ میں بڑے پیمانے پر دراندازی کرنے اور اس میں تلمودی رسومات ادا کرنے کا مطالبہ کیا تھا۔

یہ بھی پڑھیں : ترکیہ کا غاصب اسرائیل سے سفارتی تعلقات مکمل طور پر بحال کرنے کا فیصلہ

ادھر بیت المقدس میں مقامی فلسطینی شخصیات کی طرف سے مسلمان شہریوں سے نماز فجر کی قبلہ اول میں ادائی کی ترغیبات پرمبنی بیانات سامنے آئے تھے جن میں شہریوں سے کہا گیا ہے کہ وہ فجر عظیم مہم جاری رکھیں اور نماز فجر میں زیادہ سے زیادہ حاضری کو یقینی بنائیں۔

خیال رہے کہ فجر عظیم مہم سنہ 2020ء میں غرب اردن کے جنوبی شہر الخلیل میں مسجد ابراہیمی میں نماز کی حاضری کو یقینی بنانے کے لیے شروع کی گئی تھی جو بعد ازاں بیت المقدس اور فلسطین کے دوسرے شہروں میں منتقل ہوگئی۔