پوری قوم نزاکت وقت کو مدنظر رکھتے ہوئے عملی اتحاد و اتفاق کو یقینی بنائیں، ارباب لیاقت علی ہزارہ

شیعیت نیوز: مجلس وحدت مسلمین پاکستان کوئٹہ سٹی کے صدر ارباب لیاقت علی ہزارہ نے پچھترویں جشن آزادی کے موقع پر پارٹی کارکنوں سے خطاب میں کہا کہ ماہ محرم الحرام کے احترام میں اس بار جشن آزادی سادگی سے منایا گیا۔ ارباب لیاقت علی ہزارہ نے کہا کہ پاکستان بنانے کیلئے قائداعظم محمد علی جناح (رح) اور علامہ اقبال (رح) سمیت کئی مسلم رہنماؤں کی انتھک محنتوں اور لاکھوں جانوں کی قربانیاں دینے کے بعد آزادی ملی ہے۔ اب ترقی و کمال تک پہنچنے کیلئے قومی یکجہتی ضروری ہے۔ پوری قوم نزاکت وقت کو مدنظر رکھتے ہوئے عملی اتحاد و اتفاق کو یقینی بنائیں۔

یہ بھی پڑھیں: پروردگار پاکستان کی جغرافیائی، نظریاتی سرحدوں کی حفاظت فرما، علامہ محمد حسین اکبر

انہوں نے کہا کہ وطن عزیز پاکستان ہم سب کا مشترکہ گھر ہے۔ اسکی جغرافیائی و نظریاتی سرحدوں کی حفاظت یقینی بنانے کیلئے قومی یکجہتی لازمی ہے۔ انہوں نے آخر میں نئے کور کمانڈر کوئٹہ لیفٹیننٹ جنرل آصف غفور کی تعیناتی کو خوش آئیند قرار دیتے ہوئے کہا کہ کمانڈر 12 کور جنرل آصف غفور سے بلوچستان میں امن و امان کی صورت میں بہتری کی امید ہے۔