ایران کے ناقابل تنسیخ حقوق کو کبھی نظرانداز نہیں کریں گے، ایرانی وزیر خارجہ
شیعیت نیوز: ایرانی وزیر خارجہ نے کہا ہے کہ ہم ہرگز اپنے ناقابل تنسیخ حقوق کو کبھی نظرانداز نہیں کریں گے۔
یہ بات حسین امیر عبداللہیان نے اپنے ٹوئیٹر اکاونٹ میں کہی۔
انہوں نے کہا کہ ہم ہرگز اپنے ناقابل تنسیخ حقوق کو کبھی نظرانداز نہیں کریں گے اور اور بلاشبہ خطے میں وائٹ ہاؤس اور صیہونیت کا کٹھ پتلی شو ہمیں مزید پرعزم بناتا ہے۔
یہ بھی پڑھیں : ریاض کے ساتھ تعلقات کی بحالی کیلئے پہلا قدم اُٹھا لیا گیا ہے، یائیر لاپیڈ
ایرانی وزیر خارجہ عبداللہیان نے کہا کہ ہمارا مقصد ایک اچھے، مضبوط اور مستحکم معاہدے کو حاصل کرنا ہے اور ایران پائیدار اقتصادی ترقی اور پابندیوں کی منسوخی کے لیے طاقت اور منطق کے ساتھ اپنی باعزت کوششوں کو جاری رکھے گا۔
ایرانی وزیر خارجہ نے کہا ہے کہ امریکہ و اسرائیل کا کٹھ پتلی تماشا ایران کی اقتصادی ترقی اور پابندیوں کو ناکام بنانے کے عزم کو متاثر نہیں کرسکتا۔
یہ بھی پڑھیں : ملک کا ہر باشعور اور ہر باضمیر شہری امریکہ کی غلامی سے نجات چاہتا ہے،علامہ راجہ ناصرعباس
انہوں نے کہا کہ ایرانی قوم کے حقوق سے ہرگز دستبردار نہیں ہوا جا سکتا، ایران ایک پائیدار و مستحکم نیز اچھے سمجھوتے کے حصول کا خواہاں ہے اور علاقے میں امریکہ و اسرائیل کے کٹھ پتلی تماشے سے ایران کی اقتصادی ترقی اور پابندیوں کو ناکام بنانے کا عزم اور زیادہ مضبوط ہو گا۔
قابل ذکر ہے کہ امریکی صدر جو بائیڈن اور اسرائیل کے عبوری وزیر اعظم یائیر لاپیڈ نے "اسٹریٹیجک پارٹنرشپ” کی حیثیت سے متعلق ایک مشترکہ بیان پر دستخط کیے جس کا ایک حصہ تہران کو جوہری ہتھیاروں کے حصول کے روکنے کے لیے امریکہ اور اسرائیل کا سرکاری عہد ہے۔
