معاشرے میں امن اور ہم آہنگی کیلئے علما، اساتذہ اور والدین اپنا کردار ادا کریں، زہرا نقوی

شیعیت نیوز: مجلس وحدت مسلمین شعبہ خواتین کی مرکزی سیکرٹری جنرل و رکن پنجاب اسمبلی سیدہ زہرا نقوی نے کہا ہے کہ معاشرے میں امن اور ہم آہنگی پیدا کرنے کیلئے علما، اساتذہ اور والدین اپنا اپنا کردار ادا کریں۔ علماء کرام اپنی دینی اور سماجی مقام کو استعمال کرتے ہوئے عوام کو امن پسندی اور ہم آہنگی کی ترویج کریں اساتذہ اپنے مقدس پیشے کے ذریعے ملک کے معماروں کے مستقبل کی آبیاری کریں۔ اپنے ایک بیان میں انہوں نے کہا کہ میں اساتذہ سے درخواست کروں گی کہ وہ طلبہ اور طالبات سے امن پسندی اور ہم آہنگی کے موضوعات پر کلاس روم میں گفتگو کرتے رہیں۔

یہ بھی پڑھیں: عراق کے قصاب سابق امریکی وحشی صدر جارج ڈبلیوبش نے عراق پر حملے کو بلاجواز اور وحشیانہ قرار دے دیا

سیدہ زہرا نقوی کا مزید کہنا تھا کہ والدین اپنے بچوں کی تربیت اس انداز میں کریں کہ بچوں میں نفرت، تشدد اور منفی رویوں کا رجحان نہ ہو۔ انہوں نے کہا کہ ہم سب کو مل کر پاکستان کا مستقبل روشن اور پرامن بنا سکتے ہیں، معاشرے کے ہر فرد کو چاہیے کہ وہ نا آگہانی صورتحال میں اپنے آپ کو مربوط رکھیں اور پُرامن طریقے اور افہام و تفہیم سے متنازعہ صورتحال کو حل کریں۔