مرکزی جلوس یوم علیؑ کے دوران موبائل فون سروس اور ڈبل سواری پر پابندی کا فیصلہ
23 اپریل, 2022 00:04
شیعیت نیوز:لاہور میں یوم علیؑ کے جلوس کے روٹ اور گردو نواح میں موبائل فون سروس جزوی طور پر معطل رہے گی۔ محکمہ داخلہ کے ذرائع کے مطابق یوم علیؑ کے جلوس کو فول پروف سکیورٹی دینے کیلئے جلوس کے روٹ پر موبائل فون سروس بند رکھی جائے گی جبکہ جلوس کے علاقے میں موٹر سائیکل پر ڈبل سواری پر بھی ایک دن کیلئے پابندی عائد کی گئی ہے۔
یہ بھی پڑھیں: جبری لاپتہ شہریوں کے اہل خانہ کی مشکلات نئی حکومت میں بھی کم نہ ہوسکیں
جلوس کے روٹ پر پولیس کی نفری تعینات رہے گی جبکہ جلوس میں شرکت کرنیوالے عزاداروں کو بھی جامہ تلاشی کے بعد واک تھرو گیٹ سے گزرنے کے بعد جلوس میں جانے کی اجازت دی جائے گی۔ جلوس کے انتظامات کی مانٹیرنگ کیلئے ڈی سی آفس میں کنٹرول روم بھی قائم کر دیا گیا ہے۔
