خطیب جمعہ ابو ترابی فرد کی عہدے اور ذمہ داریاں مستحق افراد کو تفویض کرنے پر تاکید
15 اپریل, 2022 11:55
شیعیت نیوز: ایران کے دارالحکومت تہران میں نماز جمعہ حجۃ الاسلام والمسلمین ابو ترابی فرد کی امامت میں منعقد ہوئی ، جس میں لاکھوں روزہ دار نمازیوں نے شرکت کی۔
نماز جمعہ کے خطیب حجۃ الاسلام والمسلمین ابو ترابی فرد نے عہدوں اور ذمہ داریوں کو سب سے زیادہ مستحق افراد کو تفویض کرنے پر تاکید کرتے ہوئے کہا ہے کہ دین میں اعلی عہدوں کو تفویض کرنے کا اصلی معیار تقوی، انصاف اور لیاقت ہے۔
خطیب جمعہ نے ایران کی مسلح افواج کو خطے میں امن و سلامتی اور قدرت و طاقت کا مظہر قراردیتے ہوئے کہا کہ ایران کی مسلح افواج نے مسلط کردہ جنگ کے دوران کئی ہزار کلو میٹر زمین آزاد کی اور گذشتہ تین دہائیوں سے ایران کی مسلح افواج خطے میں سلامتی اور قدرت کا مظہر ہے۔
یہ بھی پڑھیں : اسرائیلی فوج کی قبلہ اول پر چڑھائی ،مسجد الاقصی میدان جنگ کا منظر پیش کرنے لگا
انھوں نے کہا کہ علم و دانش اسلامی نظام کے اصلی رکن ہیں ، علم و دانش کے ذریعہ ملک کو طاقت اور قدرت نصیب ہوتی ہے اور حضرت علی علیہ السلام نے بھی اس سلسلے میں فرمایا کہ’’ علم و دانش سے قدرت اور عزت حاصل ہوتی ہے‘‘ ۔
ابو ترابی فرد نے کہا کہ قرآن مجید اور نہج البلاغہ علم و دانش کامدرسہ ہیں۔ علم و دانش حکمرانی اور قدرت کا سنگ میل ہیں۔
تہران کے عارضی خطیب جمعہ حجۃ الاسلام والمسلمین ابو ترابی فرد نے علم و دانش کو دولت اور ثروت کا بھی سرچمشہ قراردیتے ہوئے کہا کہ یونیورسٹیوں سے فارغ التحصیل آج 4 لاکھ افراد آج علم محور کمپنیوں میں مشغول اور مصروف ہیں۔ دانشوروں کی تربیت آسان کام نہیں۔ اس سلسلے میں جد وجہد اور تلاش و کوشش کی سخت ضرورت ہے۔ علم و دانش کے ذریعہ معاشی مشکلات پر بھی قابو پایا جاسکتا ہے اور بے روزگاری کا خاتمہ بھی ممکن ہے۔
