دو صیہونیوں کو قتل کرنے والا فلسطینی نوجوان رعد فتحی شہید

شیعیت نیوز: تل ابیب کے مرکز میں دو صیہونیوں کو ہلاک کرنے والا فلسطینی جوان رعد فتحی حازم شہید ہوگیا ہے۔

فلسطینی میڈیا نےکل (جمعہ) صبح تل ابیب کے ایک ریستوران پر فائرنگ کی کارروائی کے مجرم کی شہادت کی اطلاع دی ہے۔

آپریشن کے بعد فلسطینی شہید رعد فتحی کی مقبوضہ فلسطین کے علاقے جفا کے قریب ’کاؤنٹر ٹیررازم اسپیشل فورسز‘ کے نام سے جانی جانے والی صیہونی ملیشیا کے ساتھ جھڑپ ہوئی۔

فلسطین ٹوڈے کے مطابق تل ابیب میں آپریشن اور ایک ریسٹورنٹ پر فائرنگ کرنے والے کا نام رعد فتحی حازم تھا، جو جینین کیمپ سے تعلق رکھنے والا 29 سالہ فلسطینی تھا۔

یہ بھی پڑھیں : تل ابیب حملہ، اسرائیلی سیکیورٹی سسٹم پر کاری ضرب ہے، محمد الہندی

عبرانی ذرائع کا دعویٰ ہے کہ صیہونی حکومت کی داخلی سلامتی کی تنظیم (شاباک) کے دو ارکان نے اس شخص کی شناخت کرنے کے بعد اسے ہتھیار ڈالنے کو کہا لیکن اس نے ان پر فائرنگ کردی۔ صیہونی فوجیوں نے بھی جوابی فائرنگ کرکے اسے شہید کردیا۔

گزشتہ رات فلسطینی خبر رساں ایجنسی شہاب نے اطلاع دی ہے کہ یہ کارروائی تل ابیب کی سب سے بڑی سڑکوں میں سے ایک ڈیزنگوف اسٹریٹ پر کی گئی۔

خبر رساں ایجنسی کے مطابق 29 سالہ فلسطینی شہید کی گولی لگنے سے کم از کم پانچ صیہونی زخمی ہو گئے۔

بعض عبرانی ذرائع نے گزشتہ رات آپریشن کی تفصیلات میں بتایا ہے کہ اس نوجوان فلسطینی کو گولی مارنے کے بعد ریسٹورنٹ کی طرف صہیونی فوجیوں نے اس کا تعاقب کیا تاہم شہید علاقے سے فرار ہونے میں کامیاب ہوگیا۔

دریں اثناء الجزیرہ نیوز نیٹ ورک نے زخمی ہونے والوں کی تعداد آپریشن میں نو تھا۔ المیادین نے اس بات پر بھی زور دیا کہ زخمیوں میں دو صیہونی مارے گئے۔