مشرقی شام میں امریکی دہشت گرد افواج پر راکٹ حملے

شیعیت نیوز: امریکی دہشت گرد افواج پر راکٹ حملے کی اطلاع دی ہے۔

اسپوتنک خبر رساں ایجنسی نے ایک بریکنگ نیوز میں بتایا ہے کہ مشرقی شام میں تیل کی سب سے بڑی فیلڈ میں واقع امریکی فوجی اڈے کو راکٹوں سے نشانہ بنایا گیا ہے۔

بیس اور ممکنہ نقصان اور حملوں کی ذمہ دار پارٹی کے بارے میں مزید تفصیلات جاری نہیں کی گئی ہیں۔

یہ بھی پڑھیں : پیغمبر اکرم کو اللہ نے خوشخبری دینے والا اور ڈرانے والا بنا کر بھیجا، علامہ حافظ ریاض نجفی

اسی سلسلے میں العمر آئل فیلڈ میں واقع امریکی اڈے کو، جو مشرقی شام میں امریکی دہشت گرد افواج کا مقام ہے، کو بھی گزشتہ جولائی میں ایک میزائل سے نشانہ بنایا گیا تھا۔

اس حملے سے مادی نقصان ہوا اور آئی ایس آئی ایل کے خلاف بین الاقوامی اتحاد اور سیریئن ڈیموکریٹک فورسز (SDF) کی افواج کو چوکنا کر دیا گیا۔

قبل ازیں، خبر رساں ذرائع نے عراق اور شام کی سرحد کے قریب صوبہ دیر الزور میں کینیکو آئل فیلڈ کے اندر امریکی اتحاد کے اڈے پر راکٹ حملے کی اطلاع دی تھی۔

یہ بھی پڑھیں : سعودی عرب کے دارالحکومت ریاض، ابہا اور جدہ ہوائی اڈوں پر یمنی فورسز کا ڈرون حملہ

ذرائع نے زور دے کر کہا کہ چار میزائل براہ راست کینیکو بیس پر گرے۔ حملے کے بعد بڑی تعداد میں امریکی اتحادی طیاروں نے بھی معزّل اور العزبہ کے علاقے پر پروازیں کیں۔

امریکی دہشت گرد افواج شام میں کئی فوجی اڈوں پر تعینات ہیں، جن میں سب سے اہم العمر آئل فیلڈ اور دیرالزور میں کینیکو گیس فیلڈ اور جنوب مشرقی شام میں التنف کے قریب ہیں۔ شامی حکومت بارہا کہہ چکی ہے کہ وہ اپنی سرزمین سے امریکی قبضہ ختم کر دے گی۔