مشرق وسطی

قطر کے سابق وزیر اعظم شیخ حمد کا نیا انکشاف، کئی ممالک کی قلعی کھولی

شیعیت نیوز: قطر کے سابق وزیر اعظم شیخ حمد بن جاسم آل ثانی نے کویت کے اخبار القبس کے ساتھ گفتگو میں بڑا انکشاف کرکے نئی بحث کو جنم دے دیا ہے۔

شیخ حمد اس سے پہلے بھی بحران شام کے بارے میں اہم انکشافات کرچکے ہیں البتہ تجزیہ نگاروں کی بڑی تعداد کو پہلے بھی اندازہ تھا کہ بحران شام ایک خطرناک سازش کا نتیجہ ہے اور اس سازش میں امریکہ اور اسرائیل سے لے کر ترکی، سعودی عرب، قطر اور متحدہ عرب امارات تک بہت ساری حکومتیں شامل تھیں۔

یہ بھی پڑھیں : مسجد اقصیٰ پر یہودی آباد کاروں کے دھاووں کا تسلسل خطرناک ہے، امام الشیخ محمد حسین

یوٹیوب پر اپلوڈ کی جانے والی مختصر ویڈیو کلپ میں شیخ حمد بن جاسم نے بتایا کہ شام میں بشار اسد کی حکومت کا تختہ الٹنے کے لئے اردن اور ترکی میں وار روم بنائے گئے تھے جن میں سعودی عرب، قطر، اردن، ترکی اور امریکا کے افسران موجود ہوتے تھے۔

اردن میں الموک وار روم تھا جبکہ ترکی میں الموم وار روم بنایا گیا تھا اور دونوں کی آپسی ہماہنگی سے شام میں تشدد کا بازار گرم کیا گیا تھا۔

یہ بھی پڑھیں : آئی ایس او کا ہر جوان ملک کی نظریاتی و جغرافیائی سرحدوں کا محافظ ہے

شیخ حمد نے بتایا کہ در ایں اثنا نیا مرحلے تب شروع ہوا جب پرنس بندر بن سلطان نے سعودی عرب کی خفیہ ایجنسی کا عہدہ سنبھال لیا اور انہیں شام کا مسئلہ بھی سونپ دیا گیا۔

اس کے بعد بندر بن سلطان اپنے منصوبے کے مطابق کام کرنے لگے۔ انہوں نے اس کے لئے 2 ٹریلین ڈالر کا مطالبہ پیش کیا تھا۔ شیخ حمد نے کہا کہ بحران کے شروعاتی مہینوں میں قطر اس مسئلے میں پیش پیش تھا تاہم جب بندر بن سلطان نے اس مسئلے کو اپنے ہاتھ میں لے لیا تب ہمارے درمیان اختلافات شروع ہوگئے۔

متعلقہ مضامین

Back to top button