فلسطینی مزاحمت قابض حکومت کی جارحیت کے سامنے خاموش نہیں رہے گی، طارق عزالدین

شیعیت نیوز: مغربی کنارے میں فلسطینی اسلامی جہاد تحریک کے ترجمان طارق عزالدین نے اس بات پر زور دیا کہ قابض حکومت کی جارحیت حکومت کے ساتھ غیر معینہ مدت تک تصادم کا باعث بنے گی۔

المیادین کو انٹرویو دیتے ہوئے طارق عزالدین نے کہا کہ قابض حکومت کی جارحیت کے خلاف مزاحمت کبھی بند نہیں ہوگی۔

اس بات کی طرف اشارہ کرتے ہوئے کہ مزاحمت ہر قیمت پر مقدس مقامات کے دفاع کے لیے تیار ہے۔

انہوں نے مقدس مقامات کے دفاع کے لیے مسجد اقصیٰ میں فلسطینیوں کے اجتماع اور اعتکاف میں اضافے پر زور دیا۔

یہ بھی پڑھیں : صیہونی حکومت کی صورت حال بحرانی ہے، حماس ترجمان حازم قاسم

صیہونی عسکریت پسندوں نے منگل کی صبح مغربی کنارے کے شہر نابلس کے مشرق میں واقع بلتا کیمپ پر حملہ کر کے 17 سالہ فلسطینی نادر ہیثم ریان کو ہلاک کر دیا۔

فلسطینی وزارت صحت نے قلندیہ میں ایک اور فلسطینی نوجوان علاء شاہم کی شہادت کا بھی اعلان کیا۔

دوسری جانب گذشتہ شب قابض اسرائیلی فوج نے رام اللہ کے مغرب میں واقع گاؤں رانتیس سے قیدی اسلام دانون کو نو ماہ کی حراست کے بعد رہا کیا۔

یہ بھی پڑھیں : شامی عوام سازشیوں کے حکم کی زد میں نہیں آئیں گے، شامی وزارت خارجہ

قابض اسرائیلی فوج نے گذشتہ سال 13 جون کو اسلام ماجد دانون کو گاؤں رانتیس میں ان کے گھر پر دھاوا بول کر گرفتار کیا تھا۔

قابض اسرائیلی حکام نے دانون کو 6 ماہ کے لیے انتظامی حراست میں منتقل کر دیا، یہ جانتے ہوئے کہ وہ ایک آزاد قیدی تھا جس نے تقریباً 11 سال قبضے کی جیلوں میں گزارے۔

قابض اسرائیلی فوج نے 10 ستمبر 2003 کو رنتیس میں اسلامی تحریک مزاحمت ’’حماس‘‘ تحریک کے درجنوں کارکنوں اور حامیوں کے خلاف ایک بڑے پیمانے پر گرفتاری مہم کے ایک حصے کے طور پر دانون کو گرفتار کیا تھا۔