کراچی میں اہم شیعہ رہنما کا قتل منظم سازش ہے، علامہ عبدالخالق اسدی

شیعیت نیوز: مجلس وحدت مسلمین پنجاب کے سیکرٹری جنرل علامہ عبدالخالق اسدی نے کراچی میں شیعہ رہنما و پاسبانِ عزاء کے سیکرٹری جنرل سید سلمان حیدر کی شہادت کی پُرزور انداز میں مذمت کی ہے۔

لاہور سے جاری اپنے ایک بیان میں علامہ عبدالخالق اسدی کا کہنا تھا کہ دہشت گرد ایک بار پھر سر اُٹھا چکے ہیں، سانحہ پشاور کے بعد کراچی میں اہم شیعہ رہنما کا قتل منظم سازش کی کڑی ہے۔

یہ بھی پڑھیں : قومی نصاب کی تدوین کا کام دھوکے بازوں کے سپرد کیا گیا ہے، علامہ ناصر عباس جعفری

انہوں نے کہا کہ ایسے محسوس ہوتا ہے کہ حکومت نے ملتِ تشیع کو دہشت گردوں کے رحم و کرم پر چھوڑ دیا ہے۔ علامہ اسدی کا کہنا تھا کہ سلمان حیدر انسان دوست اور بلا تفریق مذہب و مکتب انسانیت کی خدمت کرنیوالی شخصیت تھے۔

علامہ عبدالخالق اسدی نے کہا کہ سندھ حکومت فی الفور سلمان حیدر کے قاتلوں کو گرفتار کرکے کیفر کردار تک پہنچائے۔

انہوں نے کہا کہ لگتا ہے ملک دشمنوں کو کراچی میں امن پسند نہیں، کافی عرصے کے بعد کراچی میں امن قائم ہوا تھا، مگر ایک بار پھر ٹارگٹ کلنگ کا سلسلہ شروع کرکے امن داو پر لگا دیا گیا ہے۔

یہ بھی پڑھیں : شیعہ رہنما سلمان حیدر کا قتل، مجلس وحدت مسلمین کا قاتلوں کی فوری گرفتاری کا مطالبہ

انہوں نے کہا کہ ملک میں منظم سازش کے تحت فرقہ واریت کو ہوا دی جا رہی ہے، قانون نافذ کرنیوالے اداروں کو اپنی ذمہ داریاں پوری کرنا ہوں گی۔

انہوں نے کہا کہ ہماری امن پسندی کو ہماری کمزوری نہ سمجھا جائے۔