روسی فوج نے یوکرائن کے دارالحکومت کیف کا محاصرہ کرلیا

شیعیت نیوز: روسی فوج نے یوکرائن کے دارالحکومت کیف کا محاصرہ کرلیا ہے۔ روس فوج نے یوکرائن کے چرنوبیل ایٹمی پلانٹ پر بھی قبضہ کرلیا ہے۔ روس نے برطانیہ کے لئے روسی فضائی حدود بھی محدود کردی ہے۔

روس نے یوکرائن پر تین طرف سے زمینی اور فضائی حملہ کردیا ہے روسی ٹینک اور فوجی یوکرائن کی سرزمین پر داخل ہوگئے ہیں روس فوج نے یوکرائن کے چرنوبیل ایٹمی پلانٹ پربھی قبضہ کرلیا ہے۔

روسی فوج بیلاروس کی طرف سے یوکرائن کے دارالحکومت کیف کی طرف بڑھ رہی ہے، بیلاروس کی سرحد پر چرنوبل ایٹمی پلانٹ کا گھیرا بھی تنگ کردیا گیا ہے، یوکرائنی حکومت کے مشیر نے چرنوبیل کے علاقے پر روسی قبضے کی تصدیق کر دی ہے۔

روسی صدر پوتین نے مغرب کو تنازع سے دور رہنے کی دھمکی دے دیتے ہوئے ہے کہا کہ کسی نے روکا یا روس کے لیے خطرہ بنا تو ایسا جواب دیں گے جو پہلے کبھی نہ دیکھا ہوگا۔

ذرائع کے مطابق مغربی ممالک نے یمن پر سعودی عرب کی مسلط کردہ ظالمانہ اور وحشیانہ جنگ پرخاموشی اختیار کررکھی تھی لیکن روس نے یوکرائن پر حملہ کرکے مغربی ممالک کی چیخیں نکال دی ہیں۔

یہ بھی پڑھیں : امریکہ اور یورپی ممالک نے یوکرائن کو مشکل وقت میں تنہا چھوڑدیا، یوکرائنی صدر

دوسری جانب سٹولٹن برگ نے برسلز میں کہا کہ ’’روس نے یوکرین پر حملہ کیا، یہ جنگ کا ایک وحشیانہ فعل ہے۔‘‘

انہوں نے مزید کہا کہ اس دوران، ہم یوکرین کے بہادر لوگوں کو یاد کرتے ہیں۔ بدقسمتی سے، ہمیں گزشتہ مہینوں کے دوران اس بارے میں خبردار کیا گیا ہے، اور روس کی طرف سے راستہ بدلنے کی تمام انتھک درخواستوں اور سیاسی کوششوں کے باوجود، ہم نے یہ کامیابی حاصل کی ہے۔

اسٹولٹن برگ نے کہا کہ روسی حملے کے جواب میں، ہم نے اتحاد کے مشرقی حصے میں اپنی افواج کے ارتکاز کو بڑھانے کا فیصلہ کیا۔

اسٹولٹن برگ نے کہا کہ ہمارے براعظم (یورپ) پر امن تباہ ہو چکا ہے اور ختم ہو چکا ہے۔

نیٹو کے سیکرٹری جنرل نے یاد دلایا: ہم نے یوکرین کو دفاعی نظام بھیجنے کی پیشکش کی، لیکن ہم نے فوج بھیجنے کا فیصلہ نہیں کیا۔