یمنی افواج کا بن گوریان ایئرپورٹ پر ہائپر سونک میزائل حملہ، صہیونی خوفزدہ

شیعیت نیوز : یمنی مسلح افواج کے ترجمان نے اعلان کیا ہے کہ یمنی افواج نے مقبوضہ فلسطینی علاقوں میں واقع بن گوریان انٹرنیشنل ایئرپورٹ کو ایک ہائپر سونک میزائل سے نشانہ بنایا۔

تفصیلات کے مطابق، میجر جنرل یحیی سریع نے اپنے بیان میں کہا کہ یمنی مسلح افواج نے خصوصی فوجی کارروائی کرتے ہوئے تل ابیب ایئرپورٹ کو فلسطین 2 ہائپر سونک میزائل سے نشانہ بنایا۔

ترجمان نے مزید کہا کہ یہ حملہ کامیاب رہا جس کے نتیجے میں صہیونی باشندے حفاظتی پناہ گاہوں میں چھپنے پر مجبور ہوگئے اور ایئرپورٹ کی کارروائی معطل ہو گئی۔

یہ بھی پڑھیں: ایران عالمی جوہری ادارے کا ذمہ دار رکن ہے، روس

انہوں نے کہا کہ یہ کارروائی فلسطینی عوام پر مظالم کے ردعمل میں انجام دی گئی۔

مزید برآں، انہوں نے زور دیا کہ عرب ممالک اور امت مسلمہ دینی، انسانی اور اخلاقی طور پر پابند ہیں کہ وہ غزہ میں جاری صہیونی مظالم خصوصاً غذائی قلت ختم کرنے کے لیے عملی اقدامات کریں۔