اصغریہ اسٹوڈنٹس آرگنائزیشن پاکستان کےزیر اہتمام 2 روزہ ’مرکزی فائزین ورکشاپ‘ کا انعقاد
22 فروری, 2022 10:10
شیعیت نیوز: اصغریہ اسٹوڈنٹس آرگنائزیشن پاکستان کے زیر اہتمام ڈویژنز، اضلاع اور یونٹ کے عہدیداران کیلئے 2 روزہ مرکزی فائزین ورکشاپ کا انعقاد مرکزی صدر حسن علی سجادی کی زیر صدارت بھٹ شاہ ضلع مٹیاری میں کیا گیا۔
ورکشاپ میں کثیر تعداد میں عہدیداران نے شرکت کی۔ ورکشاپ میں مضوعاتی دروس، بحث و مباحثے، عملی تربیت، پنجگانہ نمازِ باجماعت، تلاوت قرآن، خطبات نہج البلاغہ کی نشستیں و برسی شہید ڈاکٹر علی رضا خواجہ کا انعقاد کیا گیا۔
یہ بھی پڑھیں: دنیائے عیسائیت کے روحانی پیشوا پاپ فرانسس بھی یمن میں سعودی انسانیت سوز مظالم کےخلاف بول پڑے
ورکشاپ میں قمر عباس غدیری، حسن علی سجادی، سہیل احمد مطہری، عاطف مہدی سیال نے آداب محفل، شعبہ فائزین، نصاب، سالانہ پروگرام اور شعبے کا امتحان کیسے بنایا اور لیا جائے و دیگر تنظیمی تربیتی موضوعات پر خطاب کئے،جبکہ علی عرفان حیدری، ذوالقرنین حیدر، علی رضا، تنویر حسین و دیگر مقررین نے شرکاء کو عملی تربیت فراہم کی۔
ورکشاپ کے اختتام پر تاثرات دیتے ہوئے شرکاء کا کہنا تھا کہ اس طرح کے تریتی پروگرام انتہائی مفید اور معنیٰ خیز ہیں، ایسے پروگرامات کا آئندہ بھی منعقد ہونا ضروری ہے، تاکہ مسئولین فائزین کے شعبے کے مقاصد بہتر سے بہتر انداز میں حاصل کریں۔
