شام پر اسرائیل کا پھر میزائل حملہ، شامی فوج نے ناکام بنا دیا

شیعیت نیوز: شام پرتازہ ترین جارحیت میں غاصب صیہونی فوج نے دمشق کے مضافاتی علاقے پر میزائل فائر کئے جسے شامی فوج کے ايئر ڈیفنس سسٹم نے ناکام بنا دیا۔

سانا نیوز کے مطابق، صیہونی فوج نے جمعرات کی علی الصبح دمشق کے جنوبی مضافاتی علاقے زکیہ پر زمین سے زمین پر مار کرنے والے میزائل مارے جسے شامی فوج نے ناکام بنا دیا۔

ذرائع کے مطابق، صیہونی فوج نے شام کے مقبوضہ جولان کے علاقے سے، جس پر صیہونی حکومت نے 1967 سے قبضہ کر رکھا ہے، یہ میزائل فائر کئے۔ شامی فوج نے زیادہ تر میزائل کو ہوا میں ہی تباہ کر دیا۔

اس سے پہلے یورونیوز نے ایک رپورٹ میں دمشق کے جنوب مغربی مضافاتی علاقے خان الشیح قصبے میں کئی دھماکے ہونے کی خبر دی تھی۔

قابل ذکر ہے کہ یہ صیہونی فوج کا ایک ہفتے کے اندر دوسرا حملہ ہے۔ اس سے پہلے بدھ کے روز مغربی صوبے حمص پر صیہونی فوج نے حملہ کیا تھا۔ گزشتہ جمعرات کو روس نے صیہونی حکومت سے شام پر حملے روکنے کا مطالبہ کرتے ہوئے اس طرح کے حملوں کے جغرافیائی، سیاسی اور سکورٹی اعتبار سے خطرناک نتائج کی بابت خبردار کیا تھا۔

یہ بھی پڑھیں : بحرین اور اسرائیل کی دوستی، ایران مخالف اتحاد کو مضبوط کرنے کی کوشش

دوسری جانب بدھ (17 فروری) کی شام دمشق میں ایران کے سفیر مہدی سبحانی اور شام کے لیے اقوام متحدہ کے سیکریٹری جنرل کے خصوصی نمائندے گر پیڈرسن نے ملاقات کی۔

دمشق میں ایران کے سفارت خانے میں ہونے والی اس ملاقات میں شام کے بحران کی تازہ ترین سیاسی صورتحال اور اس کے حل کے سیاسی عمل پر تبادلہ خیال کیا گیا۔

سبحانی سوخانی نے شام کی علاقائی سالمیت اور قومی خودمختاری پر زور دیا اور شام میں غیر قانونی طور پر موجود غیر ملکی فوجیوں کے انخلاء پر زور دیا۔

انہوں نے اس بات پر بھی زور دیا کہ شام کے خلاف پابندیاں اٹھانے سے شام کے بحران کو سیاسی طور پر حل کرنے میں مدد ملے گی۔

ملاقات کے دوران پیٹرسن نے ہمارے سفیر کو شامی حکام کے ساتھ اپنی بات چیت سے بھی آگاہ کیا۔