اسرائیلی خاتون نوئیم شوستر کا امارات اور عرب حکمرانوں کے لئے ذلت آمیز گانا

شیعیت نیوز: اسرائیلی خاتون کامیڈین نوئیم شوستر الیاسی نے اسرائیل سے سفارتی تعلقات جوڑنے پر امارات بالخصوص دبئی کیلئے ذلت آمیز گانا مع ویڈیو ریکارڈ کروایا جو دیکھتے ہی دیکھتے عرب دنیا میں وائرل ہوگیا ہے۔

فرانسیسی میڈیا کے مطابق گانا عربی زبان میں ہے جس کے نیچے گانے کا ترجمہ انگریزی اور عبرانی دونوں زبانوں میں دکھایا گیا ہے۔ گانے کو اب تک ہزاروں بار دیکھا اور ٹویٹ کیا جاچکا ہے۔

گانا شروع کرنے سے پہلے نوئیم شوستر اپنے افتتاحی کلمات میں کہتی ہیں کہ میں اس گانے کے ذریعے دبئی کے اسرائیل سے تعلقات کو خراج تحسین پیش کررہی ہوں۔

یہ بھی پڑھیں : یمن کے ابہا ائیرپورٹ پر حملے سے امریکہ سیخ پا، ریاض اور واشنگٹن دونوں کی دھمکی

گانے کے بول میں درجہ ذیل جملے کسے گئے ہیں:

دبئی، دبئی، دبئی، دبئی

کاش سارے ہی عرب دبئی جیسے ہوتے، وہ ہمیں پانی میں نہیں ڈبوئیں گے

ایسے عرب سے بہتر کوئی چیز نہیں جس کے پاس لاکھوں ہوں

اور جو نکبۃ (1948 میں لاکھوں کی تعداد میں فلسطینیوں کو بےگھر کرنے کا واقعہ) بھول چکے ہیں

وہ فلسطین کو بھول چکے ہیں

دبئی دبئی، ابھی بھی امید باقی ہے

عربوں کے ضمیر خاک ہو رہے ہیں اور دبئی کی طرح ہی

وہ بھول گئے کہ ہم نے غزہ کی ناکہ بندی کی ہوئی ہے

اور کتنا ہی اچھا ہو کہ سارے عرب دبئی جیسے ہوں

میں تمہیں چیک پوائنٹس پر حراست میں لوں گی

اور پھر ٹاورز پر کھڑے ہوکر سیلفی لوں گی

دبئی، دبئی، دبئی، دبئی، دبئی