یمن پر سعودی عرب کے مسلسل حملوں کو انسانیت کے خلاف جنگی جرم ہے، علامہ زکزکی
شیعیت نیوز: نائیجیریا کی تحریک اسلامی کے سربراہ اور معروف شیعہ رہنما علامہ ابراہیم زکزکی نے دنیا والوں سے یمنی عوام کی حمایت اور سعودی اتحاد کے بہیمانہ جرائم کے خلاف آواز اٹھانے کی اپیل کی ہے۔
علامہ زکزکی نے کہا کہ یمن کے خلاف جاری سعودی عرب کی بہیمانہ جارحیت اور فضائی حملوں پر عالمی خاموشی کا کوئی جواز پیدا نہیں ہوتا۔
یہ بھی پڑھیں : 5 رجب المرجب، جشن ولادت حضرت امام علی نقیؑ مذہبی عقیدت واحترام سے منایا جارہا ہے
انہوں نے یمن پر سعودی عرب کی سات سالہ جارحیت کے نتائج کے سلسلے میں ایک آن لائن نشست سے خطاب کرتے ہوئے یمن پر سعودی عرب کے مسلسل حملوں کو انسانیت کے خلاف جنگی جرم قرار دیا۔
نائیجیریا کی تحریک اسلامی کے سربراہ علامہ ابراہیم زکزکی نے کہا کہ جارح سعودی اتحاد کو لگام دینے کا واحد راستہ اُس کے خلاف مزاحمت و استقامت ہے۔
یہ بھی پڑھیں : آج علی ؑ کا نام مٹایا جارہاہے،قوم بیدار رہے اور دشمن کی سازشوں کا مقابلہ کرے، علامہ محمد حسین اکبر
انہوں نے امید ظاہر کی کہ وہ دن جلد ہی آئے گا جب یمنی عوام کامیابی و کامرانی جبکہ جارح سعودی عرب اور اسکے اتحادی شکست و ناکامی سے ہمکنار ہوں گے۔
یاد رہے کہ سعودی عرب اپنے کچھ عرب اور غیر عرب ملکوں کے ساتھ مل کر امریکہ، برطانیہ، اسرائیل اور بعض دیگر یورپی ممالک کی حمایت کے زیر سایہ مارچ دوہزار پندرہ سے یمنی عوام کو مستقل بنیادوں پر شدید ترین فضائی و زمینی گولہ باری کا نشانہ بنائے ہوئے ہے اور ساتھ ہی اُس نے اس جنگ زدہ ملک کا مکمل زمینی، فضائی اور سمندری محاصرہ بھی کر رکھا ہے۔
