ایل ای ڈی بم بنانے کا ماہر، کالعدم ٹی ٹی پی کا مطلوب دہشت گرد ماراگیا

شیعیت نیوز: سکیورٹی فورسز نے شمالی وزیرستان میں آپریشن کے دوران مطلوب دہشت گرد کو ہلاک کردیا۔ پاک فوج کے شعبۂ تعلقاتِ عامہ (آئی ایس پی آر) کی جانب سے جاری اعلامیے کے مطابق سیکیورٹی فورسز نے شمالی وزیرستان کے علاقے اسپن وام میں دہشت گردوں کی موجودگی کی خفیہ اطلاع پر آپریشن کیا۔ آپریشن کے دوران فائرنگ کے تبادلے میں دہشت گرد ہلاک ہوا، جس کی شناخت صدام کے نام سے ہوئی۔

یہ بھی پڑھیں: سکردو، رہنما ایم ڈبلیوایم ووزیر زراعت کاظم میثم کی زیرصدارت اجلاس،لوڈشیڈنگ اور آٹے کے بحران کا جائزہ

آئی ایس پی آر کے مطابق دہشت گرد کے قبضے سے اسلحہ اور گولہ بارود برآمد ہوا ہے۔ پاک فوج کے شعبہ تعلقات عامہ کے مطابق ہلاک دہشت گرد ایل ای ڈی بم بنانے کا ماہر تھا جبکہ وہ مختلف جرائم پیشہ کارروائیوں، ٹارگٹ کلنگ اور اغوا برائے تاوان کی متعدد وارداتوں میں بھی مطلوب تھا۔