ایرانی صدر نے اپنے حالیہ دورہ روس کی کامیابیوں کی وضاحتیں پیش کیں
شیعیت نیوز: ایران کے صدر سید ابراہیم رئیسی دو روزہ دورہ روس مکمل کرکے وطن واپس پہنچ گئے ہیں۔ صدر رئیسی نے رورہ روس کے دوران روسی صدر سے ملاقات اور روسی ڈوما سے خطاب کیا۔ صدر رئیسی نے کہا کہ ایران اور روس کے باہمی تعلقات نئےم رحلے میں داخل ہوگئے ہیں۔
رپورٹ کے مطابق، آیت اللہ سید ابراہیم رئیسی نے جمعہ کی علی الصبح کو اپنے دور روزہ دورہ روس کی وطن واپسی کے موقع پر مہرآباد ائیرپورٹ میں صحافیوں سے گفتگو کرتے ہوئے اس دورے سے حاصل ہونے کامیابیوں کی وضاحتیں پیش کیں۔
صدر رئیسی نے وطن واپسی پر اینے دورہ روس کو کامیاب قراردیتے ہوئے کہا کہ مجھے امید ہے کہ روس کا دورہ دونوں ممالک کے درمیان تعلقات کو مزید فروغ دینے کے سلسلے میں سنگ میل ثابت ہوگا۔
صدر رئیسی نے کہا کہ اس سفر میں ایران اور روس کے درمیان بلند مدت تعلقات کے قیام، سیاسی ، اقتصادی ، تجارتی اور ثقافتی شعبوں میں تعلقات کو مزید فروغ دینے کے سلسلے میں اہم اقدامات انجام دیئے گئے ہیں۔
رپورٹ کے مطابق صدر سید ابراہیم رئیسی نے کہا کہ ایران دوطرفہ احترام کی بنیاد پر دنیا کے تمام ممالک اور خاص طور پر ہمسایہ اور علاقائی ممالک کے ساتھ تعاون کو فروغ دینے کا خواہاں ہے۔ ایران دنیا میں دہشت گردی ، عدم مساوات اور تسلط پسندی کے خلاف ہے ۔ ایران دنیا میں عدل و انصاف کے فروغ کی حمایت کرتا ہے، ایران ظلم و ناانصافی کے خلاف ہے۔
یہ بھی پڑھیں : برطانیہ کے وزیر اعظم بورس جانسن کے استعفیٰ کا مطالبہ زور پکڑ رہا ہے
انھوں نے کہا کہ دنیا پر تسلط پسندی کے نتیجے میں دہشت گردی، ظلم اور بربریت کو فروغ ملا ہے جبکہ انسانی حقوق کے نام نہاد دعویداروں نے دل کھول کر انسانی حقوق کو پامال کیا ہے۔
صدر رئیسی نے کہا کہ ایران کی خارجہ پالیسی ہمسایہ اور علاقائی ممالک کے ساتھ اچھے ، مضبوط اور مستحکم تعلقات پر استوار ہے اور ایران کی دشمن کی مکروہ اور مذموم سازشوں کو ناکام بنانے کے لئے ہمسایہ اور علاقائی ممالک کے ساتھ تعلقات کو فروغ دینے کی پالیسی پر گامزن ہے۔
صدر رئيسی نے روس کے صدر ولادیمیر پوٹن کے ساتھ 3 گھنٹے کے مذاکرات کو دونوں ممالک کے مفاد میں قراردیتے ہوئے کہا کہ روسی صدر بھی ایران کے ساتھ تعلقات کو مزيد مضوبط بنانے کے خواہاں ہیں اور روسی صدر کے ساتھ طے پانے والے امور پر جلد از جلد عمل کرنا چاہیے۔
صدر رئیسی نے کہا کہ ایران کے تیل کے وزير ، وزير خزانہ اور وزیر خارجہ نے بھی روسی ہم منصبوں کے ساتھ جداگانہ ملاقاتیں کیں جو دونوں ممالک کے مفاد میں بہتر ثابت ہوں گی۔
