اہم ترین خبریںعراق

بغداد میں 2 دھماکے ، حشد الشعبی کے حملے 70 داعشی ہلاک

شیعیت نیوز: عراق کے دارالحکومت بغداد میں 2 دھماکے ہوئے جبکہ دوسری جانب عراقی فورسز کی ایک کاروائی میں تکفیری ٹولے داعش کے 70 عناصر ہلاک کر دیئے گئے۔

ذرائع ابلاغ نے بغداد کی آپریشنل کمان کے حوالے سے رپورٹ دی ہے کہ شہر کے الکرادہ علاقے میں دو بینکوں کو بموں کا نشانہ بنایا گیا جس میں متعدد افراد زخمی ہوئے ہیں۔

ابھی تک کسی فرد یا گروہ نے ان دھماکوں کی ذمہ داری قبول نہیں کی ہے۔

بم دھماکوں پر رد عمل ظاہر کرتے ہوئے عراق کے صدر برہم صالح نے ٹویٹ کیا کہ حالیہ دنوں کے دوران بغداد میں ہونے والے 2 دھماکے ، دہشت گردانہ اور مجرمانہ اقدامات ہیں جو قابل مذمت ہیں، اس قسم کے حملوں اور دھماکوں کا مقصد عراقی عوام کی سکیورٹی اور ملکی استحکام کو نشانہ بنانا ہے۔

یہ بھی پڑھیں : ایم ڈبلیوایم اور دیگر ملی تنظیمات کے تحت شہید سردارقاسم سلیمانی ودیگر شہدائے راہ حسینؑ کی یاد میں مرکزی مجلس عزا کا انعقاد

انہوں نے کہا کہ ایک ایسے وقت میں کہ جب عراق کی سیاسی قوتیں مل جل کر ایک متحدہ قومی حکومت بنانے کی کوششوں میں مصروف ہیں، اس قسم کے مشکوک حملے ہو رہے ہیں۔

دوسری جانب عراق کی عوامی رضاکار فورس حشد الشعبی نے اتوار کی رات صوبے دیالیٰ میں ایک آپریشن کرتے ہوئے 70 داعشی عناصر کو ہلاک کر دیا۔ رپورٹ کے مطابق یہ دہشت گرد عناصر سکیورٹی فورسز پر حملے کا منصوبہ بنا رہے تھے۔

قابل ذکر ہے کہ عراق میں دہشت گرد گروہ داعش شکست کھا چکا ہے لیکن ابھی بھی اس گروہ کے باقیات ملک کے مختلف علاقوں میں موجود ہیں جو موقع ملنے پر اپنی دہشت گردانہ کارروائیوں سے نہیں چوکتے۔ اس وقت عراقی فورسز ملک سے دہشت گرد عناصر کا قلع قمع کرنے پر کمربستہ ہیں اور ملکی سطح پران کے خلاف آپریشن میں مصروف ہیں۔

متعلقہ مضامین

Back to top button