آئیے رہبر معظم کی ہدایات کے مطابق اتحاد کے میدان میں آگے بڑھیں، حجت الاسلام جمعہ اسدی

شیعیت نیوز: حجت الاسلام محمد جمعہ اسدی مدیر جامعہ امام صادق ع کوئٹہ نے ’’اتحاد امت کی اہمیت کا جائزہ‘‘ ویبینار میں سب سے پہلے ایران سے تشریف لائے ہوئے مہمانوں کو خوش آمدید کہا اور فرمایا کہ میں امام خمینی رح کے حکم پر چالیس سال پہلے ایران سے یہاں آیا اور میں نے مسلمانوں کے درمیان احدت اور ہماہنگی کے لئے بہت زیادہ کام کیا ہے۔

اگرچہ دشمن شیعہ اور اہل سنت کے درمیان اختلافات پیدا کرنے کی بہت زیادہ کوششیں کرتا ہے لیکن الحمدللہ ہمارے باہمی ہماہنگی سے دشمن کی سازشیں ہمیشہ ناکام ہوتی ہیں۔

گذشتہ چند سالوں کے درمیان یہاں شیعوں کی بڑی تعداد کو شہید کیا گیا لیکن ہم نے وحدت اور ہماہنگی کی کوششوں سے ہاتھ نہیں اٹھایا بلکہ اپنی اس کوشش کو جاری رکھا۔

حجۃ الاسلام جمعہ اسدی نے کہا کہ عالم اسلام کے دشمن ہمیشہ اپنی سازشوں اور مسلمانوں کے قتل عام سے عالم اسلام کو تباہ کرنے کے درپے رہتے ہیں لیکن ہم دیکھتے ہیں کہ مسلمان کس طرح اسلامی مذاہب کی سربلندی کے لیے کھڑے ہیں اور اس الہی آئیڈیل کا خون کے آخری قطرہ تک دفاع کررہے ہیں۔

یہ بھی پڑھیں : اتحاد امت مسلمہ کیلئےعلامہ ساجد نقوی کا کرداراہمیت کا حامل ہے، آیت اللہ شہریاری

انہوں نے مزید کہا کہ ہم سب جانتے ہیں کہ آج غیر ملکی ایجنٹ مسلمانوں میں تفرقہ ڈالنے کی کوشش کر رہے ہیں، لیکن علمائے کرام نے اپنی ہوشیاری سے ان سازشوں کو ناکام بنا دیا اور دشمنوں کو ان کے مذموم مقاصد حاصل کرنے کی اجازت نہیں دی۔

انہوں نے بیان کیا کہ رہبر معظم آیت اللہ سید علی خامنہ ای ہمیشہ مسلمانوں کے درمیان اتحاد کے نفاذ پر تاکید کرتے ہیں اور ان کی ہدایات کے مطابق عمل کرنا ہم پر واجب ہے۔

پاکستان کے شہر کوئٹہ میں واقع ایران کے ثقافتی ادارے خانہ فرہنگ کی جانب سے ’’اتحاد امت کی اہمیت کا جائزہ‘‘ ویبینار کا آغاز ہوگیا۔

جس میں ایران سے تشریف لائے ہوئے عالمی مجلس تقریب مذاہب اسلامی کے سربراہ حجت الاسلام حمید شہریاری خصوصی خطاب کیا۔