مصنفین اور ادیب کی ذمہ داری بہت بڑی ہے، شیخ ابراہیم زکزاکی

شیعیت نیوز: نائیجیریا کے شیعہ پبلشرز اور مصنفین کے ایک گروپ نے نائیجیریا کی اسلامی تحریک کے رہنما شیخ ابراہیم زکزاکی سے ابوجا میں ان کی رہائش گاہ پر ملاقات کی ہے۔

اس ملاقات میں شیخ ابراہیم زکزاکی نے ان مصنفین کی ثقافتی اور مذہبی سرگرمیوں کو سراہتے ہوئے کہا کہ ایک ادیب کا قلم اسلامی اور دینی تصورات اور مفاہیم کو لوگوں تک پہنچانے کا ایک اہم ذریعہ ہے۔

یہ بھی پڑھیں : کھربوں ڈالر کی سرمایہ کاری سے مطلوبہ نتائج حاصل نہ ہوئے اب دشمن مسلمانوں کو اندر سے کمزور کرنے کےکوشش میں مصروف ہے ،علامہ ناصرعباس

انہوں نے کہا کہ آپ کی ذمہ داری بہت بڑی ہے۔ آپ کا ہدف یہ ہونا چاہئے کہ سرکاری اور مقامی زبانوں میں مذہبی لٹریچر کی تعداد کو بڑھا کر جہاں تک ہو سکے معارفِ اسلامی کو فروغ دینے کے لئے قدم اٹھائیں۔

اس اجلاس کے شرکاء نے شیخ زکزاکی کی مہربانی اور قدردانی کے جواب میں اسلامی تصانیف کی تحقیق و اشاعت کے مسئلہ پر تفصیلی رپورٹ پیش کرتے ہوئے کہا کہ معارفِ اہل بیت علیہم السلام کی نشر و اشاعت ہمارے لئے بہت بڑی سعادت اور دینی فریضہ ہے۔

ہم اس الہی ذمہ داری کی ترویج میں کوشاں ہیں اور انشاء اللہ اس کی مزید بہتری کے لئے کوئی کسر نہیں چھوڑیں گے۔