عراق میں امریکہ کے دہشت گرد فوجی قافلے پھر نشانے پر
شیعیت نیوز: عراقی ذرائع نے عراق میں امریکہ کے دہشت گرد فوجی قافلے پر حملہ ہونے کی خبر دی ہے۔
شفق نیوز کی رپورٹ کے مطابق دہشت گرد امریکی فوجیوں کا یہ قافلہ شمالی عراق کے صوبے صلاح الدین سے گذر رہا تھا جو حملے کا نشانہ بنا۔
ابھی تک اس حملے میں ممکنہ طور پر ہونے والے نقصانات کی کوئی رپورٹ نہیں ملی ہے۔ اس حملے کی ذمہ داری بھی کسی فرد یا گروہ نے قبول نہیں کی۔
یہ بھی پڑھیں : ہماری خاموشی کو کوئی کمزوری نہ سمجھے، کمزوری کو طاقت میں بدلنا جانتے ہیں، علامہ ناظرتقوی
دوسری جانب عراقی ذرائع نے اس ملک میں ایک اور امریکہ کے دہشت گرد فوجی قافلے کو بغداد میں حملے کا نشانہ بنایا گیا۔۔
المسیرہ کی رپورٹ کے مطابق دہشت گرد امریکی فوجیوں کے اس قافلے کو بغداد میں حملے کا نشانہ بنایا گیا۔ تاہم ابھی تک اس کی مزید تفصیلات سامنے نہیں آئیں اور اس حملے کی ذمہ داری بھی ابھی تک کسی فرد یا گروہ نے قبول نہیں کی۔
یہ بھی پڑھیں : حشدالشعبی نے صوبہ بابل میں داعش کے ایک خفیہ اڈے کا پتہ لگا کر اسے تباہ کردیا
اس سے قبل سماوہ کے قریب بھی امریکہ کے دہشت گرد فوجی کارروان پر حملہ ہوا تھا۔
عراق میں دہشت گرد امریکی فوجی ٹھکانوں اور فوجی قافلوں پر مسلسل حملے ہو رہے ہیں اور یہ سلسلہ اب روز کا معمول بن چکا ہے۔
قابل ذکر ہے کہ عراق کے بیشتر عوام اور سیاسی تنظیمیں اپنے ملک سے امریکیوں کے انخلا کے خواہاں ہیں اور عراق کی پارلیمنٹ نے بھی پانچ جنوری دو ہزار بیس کو عراق سے امریکی فوجیوں کے انخلا کے بارے میں ایک بل کی منظوری دی ہے۔
