یہودی آباد کاروں نے بیت المقدس شہر میں باب السلسلہ کا راستہ بند کر دیا

شیعیت نیوز: جمعہ کی شام کو یہودی آباد کاروں نے پرانے بیت المقدس شہر میں باب السلسلہ روڈ کو بند کر دیا، جب کہ دیگر نے مقبوضہ بیت المقدس میں باب الحدید میں تلمودی رسومات ادا کیں۔

القدس ذرائع نے بتایا کہ درجنوں آباد کاروں نے نام نہاد ’’سبت شمع‘‘ روشن کیں اور بابرکت مسجد اقصیٰ کے دروازوں میں سے ایک باب السلسلہ روڈ کو فلسطینی راہگیروں کے لیے بند کر دیا۔

اس موقعے پر مسجد اقصیٰ کے دروازوں میں سے باب الحدید پر یہودی آباد کاروں نے تلمودی رسومات ادا کیں۔

یہ بھی پڑھیں : صیہونی فوجی حماس کی محبت میں کیسے گرفتار ہوئے؟ عبرانی چینل کی رپورٹ

اس سے پہلے آباد کاروں نے اموی محلات کے قریب اشتعال انگیز رقص کا مظاہرہ کیا جو الاقصیٰ، دیوار البراق، اور باب الحدید کے شمال میں ’’کرد اسٹریٹ‘‘ کے قریب واقع ہے۔

متعلقہ سیاق و سباق میں، آباد کاروں نے قابض افواج کی سخت حفاظت میں پرانے شہر میں اشتعال انگیز مارچ جاری رکھے ہوئے ہیں۔ روشنیوں کا نام نہاد عبرانی تہوار ’’حانوکا‘‘ منانے کی آڑ میں فلسطینیوں کی نقل وحرکت پر پابندیاں عائد کی جا رہی ہیں۔

قابض اسرائیلی افواج نے گذشتہ رات پابندیاں لگائیں اور پرانے شہر میں دکانیں بند کر دیں۔ تاکہ آباد کاروں کی نقل و حرکت کو محفوظ بنایا جا سکے۔

یہ بھی پڑھیں : قومی ایئر لائن پی آئی اے جنوری 2022ء سے مشہد تا کراچی براہ راست پروازیں شروع کرے گی

جمعرات کو آباد کاروں نے باب العامود اسکوائر میں بلند آواز میں موسیقی بجا کر علاقے کے فلسطینی باشندوں کو مشتعل کرنے کی کوشش کی۔

ویڈیو کلپس میں وہ لمحہ دکھایا گیا جب ایک آباد کار بینڈ نے موسیقی کے آلات کے ذریعے موسیقی بجائی جسے وہ باب العامود اسکوائر پر لایا نام نہاد ’’ فیسٹ آف لائٹس‘‘ کے جشن کے پروگرام کا انعقاد کیا گیا۔