دیگر ممالک کی طرح بھارت سے بھی زائرین با آسانی زیارت کو آسکیں گے، آیۃ اللہ بشیر نجفی
شیعیت نیوز: حضرت آیۃ اللہ العظمیٰ الحاج حافظ بشیر حسین نجفی کے مرکزی دفتر نجف اشرف میں آل انڈیا شیعہ پرسنل لا بورڈ کے ترجمان مولانا مرزا محمد یعسوب عباس صاحب کا خیر مقدم کرتے ہوئے ان کی زیارتیں مقبول بارگاہ ایزدی ہوں کے لئے دعائیں فرمائیں ۔
مرجع عالی قدر نے ان سے فرمایا کہ یہ دفتر تمام شیعوں کا ہے اور ان کی ہر ممکنہ خدمت ہمارے لئے شرف ہے حتی المقدور مومنین کی خدمت اپنے لئے شرف سمجھتے ہوئے انشاء اللہ کرتے رہیں گے۔
بھارت سے عراق مقامات مقدسہ و عتبات عالیات کی زیارتوں پر مومنین کے نہ آپانے کے پس منظر میں انہوں نے فرمایا کہ ہم حتی المقدور کوششیں کر رہے ہیں تاکہ دیگر ممالک کی طرح بھارت سے بھی زائرین با آسانی زیارت کو آسکیں ۔
یہ بھی پڑھیں : امریکہ کی زیر نگرانی عراق میں زیر زمین ٹھکانے بنانے کے داعشی منصوبے کا پردہ فاش
موصوف نے مرجع عالی کے فرزند اور مرکزی دفتر کے مدیر حجۃ الاسلام شیخ علی نجفی سے بھی ملاقات کی اور بھارت میں مومنین کے حالات خصوصا زائرین کی خدمت کے امور زیر گفتگو آئے۔
آیۃ اللہ بشیر نجفی نے فرمایا کہ مرجع عالی قدر کے حکم سے میں شروع سے زائرین کے معاملات کو دیکھ رہا ہوں اور اپنی جانب سے پوری کوشش ہے کہ دنیا کے کونے کونے سے آنے والے زائرین کو کسی دقت اور پریشانی کا سامنا نہ کرنا پڑے خاص کر بھارت سے زائرین کے نہ آپانے کے مسئلہ پر انہوں نے کہا کہ ہم پوری کوششیں کر رہے ہیں اور انشاء اللہ امید کرتے ہیں کہ دوسرے ممالک کی طرح بھارت سے بھی زائرین مقامات مقدسہ اور عتبات عالیات کی زیارت کو آسکیں گے ۔
اپنی جانب سے موصوف مہمان نے مرجع عالی قدر دام ظلہ الوارف اور ان کے فرزند کا ان کی نصیحتوں، قیمتی وقت دینے اور حسنِ استقبال پر شکریہ ادا کیا۔
