یمنی فوج کی سعودی عرب کے ابہا ایئرپورٹ پر ڈرون کارروائی
شیعیت نیوز: عرب ذرائع ابلاغ نے جنوبی سعودی عرب میں جارح سعودی اتحاد کے خلاف یمنی فوج کی ڈرون کارروائی کی خبر دی ہے۔
العربیہ ٹی وی نے جمعرات کی صبح جارح سعودی اتحاد کے ترجمان ترکی المالکی نے اعلان کیا ہے کہ یمنی فوج نے جنوبی سعودی عرب کے ابہا ایئرپورٹ کی جانب ایک ڈرون طیارے سے حملہ کیا ہے ۔ البتہ جارح سعودی اتحاد نے ہمیشہ کی مانند جھوٹا دعویٰ کرتے ہوئے کہا ہے کہ اس ڈرون کارروائی سے پہلے ہی مار گرایا گیا ہے۔
دوسری طرف جارح سعودی اتحاد نے بدھ کو صنعا، ذمار، صعدہ اور الجوف کے علاقوں کو نشانہ بنایا ہے۔ یمن کے رہائشی علاقوں پر جارح سعودی اتحاد کے حملے بڑھنے کے ساتھ ہی یمن کی فوج اور رضاکار فورس انصار اللہ نے بھی سعودی عرب پر اپنے دفاعی حملے تیز کردیئے ہیں۔
یہ بھی پڑھیں : بھارتی فورسز کی ریاستی دہشت گردی، مزید پانچ کشمیری نوجوان شہید، وادی میں ہڑتال
دوسری جانب یمن کی اعلی سیاسی کونسل کے رکن نے مآرب سیکٹر پر کسی بھی طرح کی جنگ روکنے کے امکان کو مسترد کرتے ہوئے اس صوبے کی مکمل آزادی تک یمنی فوجیوں کی پیشقدمی جاری رہنے پر زور دیا ہے۔
المیادین ٹی وی کی رپورٹ کے مطابق یمن کی اعلی سیاسی کونسل کے رکن یاسر الحوری نے کہا ہے کہ ایسے عالم میں جب یمنی فوج اور رضاکار فورس جلد ہی صوبہ مآرب پر مکمل کنٹرول حاصل کرنے والی ہے ، جنگ اور پیشقدمی روکنے کی بات نہیں کی جا سکتی۔
الحوری نے مزید کہا کہ یمنی فوج اور رضاکار فورس الفلج نامی سیکورٹی پوائنٹ کے اطراف کے تمام علاقوں اور واقع پہاڑیوں کو اپنے کنٹرول میں لے چکی ہے اور اب بہت جلد اس سیکورٹی پوائنٹ کو بھی پوری طرح اپنے کنٹرول میں لے لے گی۔
سعودی عرب، امریکہ، متحدہ عرب امارات اور چند دیگر ممالک کی مدد سے مارچ دوہزار پندرہ سے یمن پر جارحانہ حملوں کے ساتھ ہی اس کا بری بحری اور فضائی محاصرہ کئے ہوئے ہے۔ یمن پر جارح سعودی اتحاد کے حملوں میں اب تک دسیوں ہزار افراد شہید اور زخمی جبکہ لاکھوں افراد بےگھر اور دربدر ہوچکے ہیں۔
