حزب اللہ نے ہمیشہ صیہونیوں اور تکفیریوں کی جارحیت کے مقابلے میں دفاع کیا ہے، حسن فضل اللہ
شیعیت نیوز: لبنانی پارلیمنٹ کے رکن حسن فضل اللہ نے اس ملک میں مزاحمتی تحریک حزب اللہ لبنان کے کردار کا ذکر کرتے ہوئے کہا کہ اس تحریک نے صیہونی حکومت اور تکفیری دہشت گردوں کی جارحیت کے مقابلے میں لبنان کا دفاع کیا۔
المنارچینل کی رپورٹ کے مطابق لبنانی پارلیمنٹ میں ’’مزاحمت سے وفاداری‘‘ دھڑے کے رکن حسن فضل اللہ نے اس ملک کے دفاع میں مزاحمتی تحریک حزب اللہ لبنان کے کردار کے بارے میں بات کی۔
یہ بھی پڑھیں : پاکستانی زائرین کیلئے بڑی خوشخبری، میرجاوہ بارڈر پر ’’زائر سرائے آستان قدس رضوی‘‘جیسے بڑے منصوبے کا افتتاح
رپورٹ کے مطابق لبنانی رکن پارلیمنٹ نے اپنے خطاب میں کہا کہ مزاحمت نے صیہونی حکومت اور تکفیری دہشت گردوں کی جارحیت کے مقابلے میں لبنان کا دفاع کیا،انھوں نے کہا کہ درحقیقت، مزاحمت نے لبنانی حکومت کی حمایت کی۔
لبنانی پارلیمنٹ کے رکن حسن فضل اللہ نے مزید یاد دلایا کہ مزاحمتی تحریک حزب اللہ لبنان نے ہمیشہ لبنانی حکومت کے دائرہ کار میں اور اس کے قوانین کے احترام کے ساتھ کام کیا ہے، لبنان میں انتشار پیدا کرنے کی بعض بیرونی کوششوں کا ذکر کرتے ہوئے انہوں نے کہا کہ ہم اس انتشار اور خانہ جنگی کی طرف نہیں گئے جس کی ملکی اور غیر ملکی جماعتوں نے تیاری کی تھی۔
یہ بھی پڑھیں : مایہ ناز علمی شخصیت ،قومی سرمایہ،گوہر نایاب علامہ شیخ محمد حسن فخرالدین اعلی اللہ مقامہ رضائے الہیٰ سے انتقال کرگئے
اپنی تقریر کے ایک اور حصے میں انہوں نے لبنانی عدلیہ کی جانب سے بیروت کی بندرگاہ میں ہونے والے خوفناک دھماکے کے معاملے کو سنبھالنے کے طریقے پر تنقید کی اور کہا کہ بیروت میں ہونے والے خوفناک دھماکے کے معاملے کو سیاست پر انحصار کرنے کے بجائے حقیقت پسندی اور انصاف کے ذریعہ آگے بڑھایا جانا چاہیےلیکن بدقسمتی سے ایسا ہوا نہیں ۔
