قندوز اور قندھار میں پہ در پہ نماز جمعہ کے اجتماعات پر حملے اور ان سانحات میں قیمتی انسانوں کا نقصان قابل مذمت ہے،علامہ برکت مطہری

شیعیت نیوز: مجلس وحدت مسلمین صوبہ بلوچستان کے سیکریٹری جنرل علامہ برکت علی مطہری نےافغانستان کے صوبےقندھار کی مرکزی شیعہ جامع مسجد فاطمیہ میں دوران نماز جمعہ بم دھماکے اور قیمتی انسانی جانوں کے نقصان پر دلی افسوس اور واقعے پر مذمت کا اظہار کرتے ہوئے کہا کہ افغانستان میں نماز جمعہ کے شیعہ اجتماعات پر داعشی حملے درآصل امریکی گیم پلان کا حصہ ہیں، امریکہ نے افغانستان سے انخلاء سے قبل داعش کے دہشت گردوں کو شام وعراق سے لاکر یہاں محفوظ مقامات پر منتقل کیا تاکہ وہ امریکہ کے منصوبوں پر عمل درآمد جاری رکھ سکیں۔

یہ بھی پڑھیں: نبی کریمؐ کی ولادت پر ایساجشن منایاجائے جوملکی تاریخ میں پہلے کبھی نہ منایا گیا ہو، عمران خان

انہوں نے کہا کہ گذشتہ دو ہفتوں کے دوران قندوز اور قندھار میں پہ در پہ نماز جمعہ کے اجتماعات پر حملے اور ان سانحات میں قیمتی انسانوں کا نقصان قابل مذمت ہے،طالبان کی نومنتخب حکومت کےدعوںسے تمام اقوام کو اطمینان تھا کہ اب شاید ماضی کے دہشت گردحملوں کا خاتمہ ہوگا لیکن افسوس ایک ہفتے میں دو خطرناک نوعیت کے حملوں میں ڈیڑھ سو سے زائد بے گناہ نمازی شہید ہوچکے ہیں۔