سرگودھا کے مومنین نےامام حسینؑ سے اپنی والہانہ مودت کا اعزازی سارٹیفکیٹ تحریک انصاف کی متعصب پنجاب حکومت سے حاصل کرلیا

شیعیت نیوز: سرگودھا کے مومنین نےامام حسینؑ سے اپنی والہانہ مودت کا اعزازی سارٹیفکیٹ تحریک انصاف کی متعصب پنجاب حکومت سے حاصل کرلیا، پی ٹی آئی کی شیعہ دشمن پنجاب حکومت نے اربعین امام حسین ؑ کے موقع پر ملک بھرمیں امنڈ آنے والے حسینیؑ سمندر سے خوفزدہ ہوکر اس سال اربعین امام حسینؑ کے جلوسوں پر مقدمات کے اندراج کی ابتداء سرگودھا سے کردی ۔ جلوس چہلم اما م حسینؑ کے خلاف ملک کی پہلی ایف آئی آرتھانہ کینٹ سرگودھا میں درج کرلی گئی ، آئی ایس او کے رہنماؤں سمیت 2 درجن سے زائد عزادار نامزد ۔

تفصیلات کے مطابق ابن زیاد کی پیرکار پنجاب پولیس کی نواسہ رسول ؐ امام حسینؑ سے دشمنی کا سلسلہ تاحال جاری ہے ،تحریک انصاف کی یزیدی حکومت کی متعصب پولیس نے سرگودھا میں امام حسینؑ کے چہلم کے موقع پر جلوس عزا نکالنے کے جرم میں دو درجن سے زائد عزاداران پر مقدمہ درج کرلیا ہے ۔

یہ بھی پڑھیں: ملک بھرمیں چہلم امام حسینؑ کے تمام جلوس عزا بخیر وعافیت اپنی منزل مقصودپر پہنچ کر اختتام پذیرہوگئے

ذرائع کےمطابق سرکار کی مدعیت میں تھانہ کینٹ میں درج ایف آئی آر میں 188،147،149 اور 16MPO کی دفعات شامل کی گئی ہیں، پولیس نے مقدمے میں دو درجن عزاداروں سمیت آئی ایس او کے مقامی کارکنان اور عہدیداران کو بھی نامزد کیا ہے ۔

واضح رہے کہ پنجاب بھرمیں عزاداری امام حسینؑ کونقص امن کا جواز بناکر روکنے کی کوششیں ن لیگی دور حکومت سے جاری ہیں اور افسوس پی ٹی آئی کی تبدیلی سرکار بھی اسی ایجنڈے پر کابند ہے ۔ یہ ایف آئی آرز نہ پہلے عزاداروں کے راستے کی رکارٹ بنی تھیں نہ آئندہ بن سکتی ہیں، دنیا نے دیکھ لیا کہ آج پاکستان کی تاریخ کا تاریخی یوم اربعین منایا گیا ۔