مایہ ناز ایرانی سائنسدان شہید محسن فخری زادے کو کس نے کیسے قتل کیا؟ نیویارک ٹائمز نے خبر شائع کردی
وہ اکثر باڈی گارڈز کو بکتر بند گاڑی ہمراہ لیجانے کے بجائے اپنی سادہ سے گاڑی میں سفر کو ترجیح دیتے تھے۔
شیعیت نیوز: اسلا می جمہوریہ ایران کےمایہ ناز نیوکلیئرسائنسدان محسن فخری زادے کی ٹارگٹ کلنگ سے متعلق نیویارک ٹائمز نے ایک آرٹیکل شائع کیا ہے۔ اس آرٹیکل کیمطابق اسرائیلی ایجنٹ نے تقریباً 1000 میٹر دور بیٹھ کر 7.62 mm کلیبر گن کے ذریعےمحسن فخری زادے کو نشانہ بنایا، رپورٹ کیمطابق فخر زادے کو ایرانی ایجنسیوں نے ممکنہ حملے کی اطلاع دی مگر انہوں نے اسے سنجیدہ نہیں لیا تھا۔ آرٹیکل میں اسرائیلی ایجنسی موساد کے کئی آپریشنزکا حوالہ بھی دیا گیاہے۔
نیویارک ٹائمز کے مطابق ایران کے اعلیٰ ایٹمی سائنسدان طلوع آفتاب سے ایک گھنٹہ پہلے بیدار ہوئے،جیسا کہ ان کا معلوم تھا اس کے بعد انہوں نے اسلامی کتب کا مطالعہ کیا۔ فخری زارے بحیرہ کیسپین میں چھٹیاں گذارنے کیلئے اپنی اہلیہ کے ہمراہ اپنے گھر سے سفر کا آغاز کیا۔
یہ بھی پڑھیں: مریم نواز شریف کا شوہر کیپٹن(ر) صفدر بھی شیعہ مکتب فکر کا کھلا دشمن نکلا
ایران کی انٹیلی جنس سروس نے انہیں ممکنہ قتل کی سازش سے خبردار کیا تھا ، لیکن سائنسدان محسن فخری زادہ نے اسے اہمیت نہ دی۔اس بات پر یقین رکھتے ہوئے کہ مسٹر فخری زادہ ایٹمی بم بنانے کی ایران کی کوششوں کی قیادت کر رہے تھے ، اسرائیل کم از کم 14 سالوں سے انہیں قتل کرنا چاہتا تھا۔ لیکن بہت ساری دھمکیاںکے بعد فخری زادے نے ان پر توجہ دینا چھوڑ دیا تھا۔
ایران کے فوجی اسٹیبلشمنٹ میں اپنی نمایاں پوزیشن کے باوجود مسٹر فخر زادہ ایک عام زندگی گزارنا چاہتے تھے۔ انہیں چھوٹی چھوٹی گھریلو لذتوں کا شوق تھا،فارسی شاعری پڑھنا ، اپنے خاندان کو سمندر کنارے لے جانا ، دیہی علاقوں میں ڈرائیو پر جانااور اپنی سیکورٹی ٹیم کے مشورے کو نظر انداز کرتے ہوئے ، وہ اکثر باڈی گارڈز کو بکتر بند گاڑی ہمراہ لیجانے کے بجائے اپنی سادہ سے گاڑی میں سفر کو ترجیح دیتے تھے۔ یہ سیکیورٹی پروٹوکول کی سنگین خلاف ورزی تھی ، لیکن انہوں نے اصرار کیا۔
یہ بھی پڑھیں: دشمن اربعین کے روز ہماری وحدت و اخوت کو دیکھ کر اپنی موت آپ مر جائے گا،علامہ راجہ ناصر عباس
چنانچہ جمعہ ، 27 نومبر کو دوپہر انہیں ایک اسرائیلی جاسوس نے باآسانی نشانہ بنایا۔2004 سے جب اسرائیلی حکومت نے اپنی غیر ملکی خفیہ ایجنسی موساد کو ایران کو جوہری ہتھیاروں کے حصول سے روکنے کا حکم دیا تھا ، ایجنسی ایران کی جوہری ایندھن کی افزودگی کی تنصیبات پر تخریب کاری اور سائبر حملوں کی مہم چلا رہی تھی۔
