آیت اللہ سید ہاشم حسینی بوشہری کا آیت اللہ موسوی یزدی کے انتقال پر تعزیتی پیغام

شیعیت نیوز: جامعہ مدرسین حوزہ علمیہ قم کے سربراہ، آیت اللہ سید ہاشم حسینی بوشہری نے ایک تعزیتی پیغام میں آیت اللہ سید علی اکبر موسوی یزدی (رحمہ اللہ علیہ) کے انتقال پر گہرے دکھ اور افسوس کا اظہار کیا ہے۔

آیت اللہ حسینی بوشہری نے مرحوم کی علمی و دینی خدمات کو خراجِ عقیدت پیش کرتے ہوئے کہا کہ وہ آیات عظام بروجردی، مرتضی حائری، میرزا ہاشم آملی، محمدعلی اراکی اور امام خمینی (رحمہم اللہ) جیسے عظیم مراجع کے شاگرد رہے۔ اپنے فضل و تقویٰ، امانت و دیانت کے سبب انہوں نے آیات عظام بروجردی، گلپایگانی، خوانساری، امام خمینی اور رہبر معظم سے وجوہاتِ شرعیہ میں نمایندگی کی اجازت بھی حاصل کی۔

یہ بھی پڑھیں: “مدرسہ آزاد” تعلیمی منصوبہ علمی میدان میں حوزوی اصیل روایت کے احیاء کا بہترین موقع ہے، آیت اللہ اعرافی

انہوں نے مزید کہا کہ یہ فقیہ پرہیزگار اپنی پوری زندگی معارفِ اہل بیتؑ کے فروغ اور احکام و تعلیماتِ اسلامی کی ترویج میں مصروف رہے۔ تدریس اور تصنیف کے ذریعے مرحوم نے حوزہ اور ملت کے لیے نمایاں علمی سرمایہ چھوڑا۔

آخر میں آیت اللہ حسینی بوشہری نے مرحوم کے اہلِ خانہ، شاگردوں اور عقیدت مندوں سے تعزیت و ہمدردی کا اظہار کرتے ہوئے دعا کی کہ خداوند متعال مرحوم کو اعلیٰ درجات عطا فرمائے اور پسماندگان کو صبرِ جمیل عطا کرے۔