ایم ڈبلیوایم کے مرکزی قائدین اور علامہ شہنشاہ حسین نقوی کے درمیان اسلام آباد میں اہم ملاقات
اس موقع پر ایم ڈبلیوایم کے مرکزی ڈپٹی سیکریٹری جنرل علامہ سید احمد اقبال رضوی، علامہ حیدرعباس عابدی، ناصرعباس شیرازی اور اسدعباس نقوی بھی موجود تھے ۔
شیعیت نیوز: بین الاقوامی شہرت یافتہ خطیب اہل بیتؑ اور معروف عالم دین علامہ سید شہنشاہ حسین نقوی اورمجلس وحدت مسلمین پاکستان کے سربراہ علامہ راجہ ناصرعباس جعفری سمیت ایم ڈبلیوایم کے دیگر مرکزی قائدین کے درمیان اسلام آباد میں اہم ملاقات ہوئی ہے۔
ذرائع کے مطابق علامہ راجہ ناصرعباس جعفری اور علامہ شہنشاہ حسین نقوی کے درمیان موجودہ ملکی صورتحال اور ملک دشمن قوتوں کی جانب سے وطن عزیز میں فرقہ وارانہ منافرت پر مبنی جاری مہم کے حوالے سے تفصیلی بات چیت ہوئی ہے۔
علامہ راجہ ناصرعباس جعفری اورایم ڈبلیوایم کے قائدین نے علامہ شہنشاہ حسین نقوی پر لاہور میں درج بلاجواز ایف آئی آر اور مختلف شہروں میں انتظامیہ کی جانب سے عائد غیر قانونی پابندیوں کی سخت الفاظ میں مذمت کی ہے۔
یہ بھی پڑھیں: نوجوانوں کے ہرد لعزیز مقرر آغا نقی ہاشمی کو دل کادورہ ،مومنین ومومنات سے دعاؤں کی اپیل
علامہ شہنشاہ حسین نقوی نے اظہار یکجہتی اور حمایت پر علامہ راجہ ناصرعباس جعفری سمیت ایم ڈبلیوایم کے دیگر قائدین سے اظہار تشکر کیا اور نیک خواہشات کا اظہار کیا۔
اس موقع پر ایم ڈبلیوایم کے مرکزی ڈپٹی سیکریٹری جنرل علامہ سید احمد اقبال رضوی، علامہ حیدرعباس عابدی، ناصرعباس شیرازی اور اسدعباس نقوی بھی موجود تھے ۔
