امریکہ کورونا وائرس کے ماخذ کو سیاسی رنگ دینے سے باز رہے، چین

شیعیت نیوز: امریکی خفیہ اداروں کی جانب سے کورونا وائرس کے شروع ہونے کے مرکز کے سلسلہ میں ایک رپورٹ پیش کی گئی ہے جسے چین نے افسوسناک قرار دیتے ہوئے کہا کہ یہ اس وبا کو سیاسی رنگ دینے کی کوشش ہے۔

چین میں قومی صحت عامہ کمیشن کے نائب سربراہ زنگ ای شین نے امریکی انٹیلی جنس اداروں کی جانب سے ناول کورونا وائرس (سارس کوو 2) کے ماخذ سے متعلق رپورٹ کے اجراء کو ’’ستم ظریفی‘‘ قرار دے دیا۔

یہ بھی پڑھیں : سی ٹی ڈی کا آپریشن ، مستونگ میں سعودی فنڈڈ داعش کے 11 خطرناک دہشت گردواصل جہنم

گزشتہ روز اپنے ایک خصوصی انٹرویو میں زِنگ ای شین کا کہنا تھا کہ پیشہ ور طبی ادارے کے بجائے امریکی انٹیلی جنس ایجنسی کا وائرس کے ماخذ کی رپورٹ جاری کرنا اپنے آپ میں ایک ستم ظریفی ہے جس سے نمایاں طور پر ظاہر ہو سکتا ہے کہ کون وائرس کے ماخذ کو سیاسی رنگ دے رہا ہے۔ وائرس کے ماخذ کی تلاش ایک سائنسی مسئلہ ہے، یہ سیاسی مسئلہ نہیں۔

انہوں نے کہا کہ چینی حکومت ہمیشہ سائنسی طریقے سے وائرس کے ماخذ کی تلاش کی حمایت کرتی ہے لیکن اسے سیاسی بنانے کی مخالفت کرتی ہے۔

یہ بھی پڑھیں : بشار حکومت کو گرانے کیلئے امریکہ و یورپ نے دہشت گردوں کو کھلم کھلا استعمال کیا، روس

زنگ ای شین نے زور دیا کہ وائرس کے ماخذ کی تلاش کا کام ایک پیچیدہ سائنسی مسئلہ ہے جس کی تحقیقات صرف دنیا بھر کے سائنسدانوں کے باہمی تعاون سے کی جانی چاہیں۔

انہوں نے کہا کہ امید ہے امریکہ یہ سمجھ جائے گا کہ وائرس انسانیت کا مشترکہ دشمن ہے اور وائرس کے ماخذ کی تلاش کا کام سائنسی بنیادوں پر ہونا چاہیے۔

انہوں نے مزید کہا کہ مختلف ممالک کے سائنسدانوں کے تعاون کی خوصلہ افزائی کی جانی چاہیے اور امریکہ سمیت مختلف ممالک میں وائرس کے ماخذ کی تحقیقات کےلیے سائنسدانوں کی حمایت کی جانی چاہیے۔