ہمارا کوئی پسندیدہ نہیں، ہماراواحد مقصد پرامن، خودمختار، مستحکم اور خوشحال افغانستان کے قیام میں مدد کرنا ہے، جنرل باجوہ

شیعیت نیوز: سربراہ پاک فوج جنرل قمر جاوید باجوہ کا کہنا ہے کہ پاکستان کا افغانستان میں کوئی پسندیدہ نہیں ہے۔ ذرائع کے مطابق امریکی ناظم الامور انجیلا ایجلر نے آرمی چیف جنرل قمر جاوید باجوہ سے جنرل ہیڈکوارٹرز (جی ایچ کیو) میں ملاقات کی۔ ملاقات کے دوران باہمی دلچسپی کے امور، علاقائی سلامتی اور افغانستان کی حالیہ صورتحال پر تفصیلی تبادلہ خیال کیا گیا۔

یہ بھی پڑھیں: دور آمریت میں پیرانہ سالی کے باوجود قوم کے جائز و ستوری حقوق کی جدوجہد قائد مفتی جعفرحسینؒ کی شخصیت کا خاصہ تھا، علامہ ساجد نقوی

جنرل قمر جاوید باجوہ نے کہا کہ پاکستان کا افغانستان میں کوئی پسندیدہ نہیں ہے اور اس کا واحد مقصد پرامن، خودمختار، مستحکم اور خوشحال افغانستان کے قیام میں مدد کرنا ہے۔ آرمی چیف نے کابل ایئرپورٹ پر دہشت گرد حملوں کی سخت الفاظ میں مذمت کی اور قیمتی جانوں کے ضیاع پر افسوس کا اظہار کیا۔

یہ بھی پڑھیں: بنو امیہ کو محترم قراردلواکرمکتب تشیع کے مذہبی جذبات اور عقائد کو مجروح کرنے کے خلاف چکوال میں پہلامقدمہ درج

انہوں نے دہشت گردی اور انتہا پسندی کے جڑ سے خاتمے کے لیے مشترکہ کوششوں کا عزم ظاہر کیا۔ امریکی ناظم الامور نے علاقائی امن و استحکام کے فروغ کے لیے پاکستان کی کوششوں کی تعریف کی اور کابل سے انخلا کے عمل میں خصوصی تعاون پر آرمی چیف کا شکریہ ادا کیا۔