کابل ائیرپورٹ پر دھماکوں کی منصوبہ سازی میں امریکہ اور اس کے شیطانی حواری ایک دوسرے کے شریک کا رہیں، علامہ راجہ ناصرعباس

شیعیت نیوز: مجلس وحدت مسلمین پاکستان کے مرکزی سیکرٹری جنرل علامہ راجہ ناصر عباس جعفری نے افغانستان کے دارالحکومت میں کابل ائیرپورٹ پر خودکش حملوں کی شدید مذمت کی ہے۔انہوں نے کہا کہ قیمتی انسانی جانوں کاضیاع ناقابل تلافی نقصان ہے۔ داعش کی جانب سے حملوں کی ذمہ داری کا قبول کیا جانا اس حقیقت کا عکاس ہے کہ شاطر دشمن انتہائی چالاکی کے ساتھ اپنے مہرے استعمال کرنے میں مصروف ہے۔کابل ائیرپورٹ پر دھماکوں کی منصوبہ سازی میں امریکہ اور اس کے شیطانی حواری ایک دوسرے کے شریک کا رہیں۔

یہ بھی پڑھیں: غیور شیعیان حیدرکرارؑ نے ملعون یزید ابن معاویہ کے حامیوں کے خلاف کمر کس لی،قانونی میدان میں مقابلے کا فیصلہ

انہوں نے کہا کہ عالمی استکباری قوتوں کو مستحکم افغانستان کس صورت قابل قبول نہیں۔اپنے مذموم عزائم اور مفادات کی تکمیل کے لیے وہ خطے کے امن کو تہس نہس کرنا چاہتی ہیں۔گزشتہ کئی عشروں سے افغانستان میں جاری آگ و بارود کی بارش استعماری و طاغوتی کے لیے تقویت کا باعث بنی ہوئی ہے۔

یہ بھی پڑھیں: وفاقی وزیر مذہبی امور پیر نورالحق قادری اور سربراہ ایم ڈبلیوایم علامہ راجہ ناصرعباس کے درمیان اہم ملاقات

انہوں نے کہا کہ افغانستان کے امن سے خطے کا امن وابستہ ہے،عالمی سامراجی طاقتیں نہیں چاہتی کہ افغانستان میں دیر پا امن کا قیام یقینی ہو،اس طرح کی سازشوں میں امریکہ اور اس کے حواری ملوث ہیں جواس خطے اور افغانستان کو بد امنی کا شکار کرنا چاہتے ہیں۔